
蔣慧云的小書包 台語版
175粉絲
751 次觀看·2026年6月3日
包公,本名包拯,為官清廉正直,明察秋毫,心懷仁慈,深受百姓敬重,後世尊稱他為「包青天」。有關他的故事流傳甚多,讓我們來看看宋史裡面正式記載的事蹟吧。
🍄 本集製作
轉譯:佩貞
播音:于曉洪
配樂合成:淩雪
字幕:惠善
影片合成:芫安 瑛垓
監製:李智鳴 蔣慧云
AI 生成·可能包含錯誤
視頻概述
AI 生成這段影片講述了包拯(包青天)早年為官時,如何運用智慧破解一起殘忍的動物傷害案,並展現其正直與體恤民情的特質。
你敢知影包青天這个人
伊啊 是親像青天仝款的做官人
無你問矣
青天是按怎的一種官啊
彼一日啊 天今仔光
縣衙門跤口 霆著低沉的鼓聲
紲落來有下跤人走入大堂內
報 有人擊鼓喝冤
這馬 縣衙大堂內坐的是新縣令
包拯 包大人
伊頭戴烏紗帽
穿著深青色的官袍
佇公案桌後坐甲正正
隨後 一个憂頭結面的作穡人行上前
包大人問講
堂下是啥人 你有啥物冤情無
小民張老漢
昨暝阮兜牛牢的老赤牛
發出奇怪的叫聲
我行去共看
發覺老赤牛的喙舌
竟然予人 予人割去矣
包大人問伊
張老漢 你敢知影是啥人做的
古意的張老漢頭幌幌咧講
毋知影是啥人做的
有偷牛的案件啊
煞無聽過割牛舌的代誌
在場的衙役
靠著𪜶豐富的辦案經驗
啥人攏感覺這案件無好辦
講著這位包拯包大人
咧欲40歲矣
才頭擺做官
想袂到就拄著按呢罕見的案件
是按怎包大人咧欲40歲矣才做官啊
其實啊 包大人二十八歲就考著進士矣
猶毋過啊 伊講家己爸母食老矣
伊無想欲離開故鄉去做官
伊欲佇厝裡照顧爸母
尾仔伊的爸母食老矣
老去矣
包大人守喪誠久
猶是毋願意離開
伊的厝邊頭尾啊 足濟人攏來苦勸伊
苦勸足久
包拯才來到遮做縣令
成做包大人
包大人看著向頭艱苦的張老漢
心想
會是啥人
伊是按怎欲割牛的喙舌
煞毋是共牛偷走咧
雄雄 包大人了解矣
他問張老漢講
牛喙舌哪予人割掉
甘閣會犁田
大人 喙舌予割掉了後
牛食草就會困難
會愈來愈瘦
就會愈來愈無氣力作田矣
包大人閣關心共請教
無以後就無牛共你鬥作田
未來恁兜的生活
恐驚會足困難矣
張老漢聽著包大人講著家己的心事
目箍攏紅矣
你知影 當時作田的牛
彼是農民誠重要的財產
喔 既然按呢
你轉厝殺牛去賣
閣買一隻牛仔囝啦
張老漢無想著包大人
竟然會按呢講
原來 為著保護牛隻
彼當時啊 規定咧
家己刣牛賣肉 彼是犯法的
彼是愛予掠去關的
包大人同情張老漢 就特准伊按呢做矣
隔轉工透早
縣門跤口閣來一个人
講是檢舉張老漢家己刣牛賣肉
這个人是張老漢的厝邊
叫做李四
包大人問伊
李四你敢知影張老漢為啥物欲犯法
家己刣牛咧
我知影 為著𪜶兜牛的喙舌予割矣
所致伊趕緊偷偷仔刣牛來賣
包大人聽煞生頭凊面講
李四既然你知影張老漢的牛
喙舌予割矣
你毋但無同情伊閣來檢舉伊
就證明講你對張老漢心內怨慼
你想欲予張老漢歹過日
啊 李四愣去矣
因為包大人確實講出實情
伊開喙講袂出來
這 這 這 這
一時攏毋知影按怎辯解矣
無等李四反應
包大人閣紲落去講
李四 既然是你割張老漢的牛的喙舌
按怎閣來告伊刣牛咧
遮的話予李四嶄然啊意外
明明告的是張老漢刣牛
那會顛倒予包大人看破跤手
家己是割牛舌的兇手咧
李四猶閣咧驚疑的時陣
包大人閣提方子一拍
喝聲 你閣毋招認
這時李四的膽氣齊失
伊知影家己已經足歹強辯矣
自按呢伊雙腿軟跤煞跪落來矣
老實的承認講
包大人
張老漢 串講我貧惰
我對伊確實心內怨慼
想報復伊
予伊歹過日
這才偷偷仔割𪜶兜牛的喙舌
自按呢這个逐家認為
硬篤的案件
就按呢真緊就破案矣
尾仔包大人的名聲嘛愈來愈大
伊毋驚權勢正派清廉
百姓有啥物冤屈啊
揣著包大人攏會得著伸冤
就親像是日頭出來矣
好天矣
所致逐家就叫伊包青天
張老漢牛牢內的牛仔囝
穩心仔睏去矣
庄仔內的 顧門的狗仔
嘛攏無叫 睏去矣
月娘睏去矣
