
蔣慧云的小書包 台語版
175粉絲
1416 次觀看·2026年5月22日
有時候,吃虧並不是真的吃虧,佔便宜也未必真能長久。
🍄 本集製作
轉譯:怪婆婆
播音:Coco
配樂合成:淩雪
字幕:惠善
影片合成:芫安 瑛垓
監製:李智鳴 蔣慧云
🍄 我們的故事不只是一個故事,我們的詩也不只是一首詩
在彷彿面對面講述的情境裡,我們精心安排了各種引領
引領著孩子想像、引領著孩子感受
讓孩子推理,也讓孩子關愛
小書包里拿出來的是一次次的薰陶與滋養。
這裏是兒童想像力、感受能力的鍛鍊場
也是人格與品德潛移默化的好幫手
除了是給兒童教育的輔助之外
也適合親子、師生共賞
AI 生成·可能包含錯誤
視頻概述
AI 生成這是一個關於善良與貪婪、因果報應的寓言故事。講述了心腸極好、不與人計較的張公被雇主馬那夏欺騙,卻在死後積累功德。而貪婪的馬那夏在神祕老者的指引下,預見了自己將轉世為受苦鯉魚的悲慘未來,最終在恐懼中悔悟,轉而行善積德,改變命運。
故事說完矣 就要睏矣喔
有當時仔 食虧嘛無的確是真正食虧
偏人嘛無一定會久長
古早時代 庄內有一个少年人
伊心肝誠好 攏毋捌佮人計較
人若共偏
伊攏笑微微講 無要緊 無要緊啦
別人看伊定咧食虧 就叫伊張戇的
有一冬張戇的來到庄裡
上好額的萬仔舍𪜶兜做長工
萬仔舍笑微微仔共講
你乖乖共我做一冬工課
到年尾 我就送你一隻大隻牛
自按呢張戇的就共萬仔舍
犁田 種作 飼牛 破柴
伊無嫌勼逐項攏搶咧做
閣誠骨力 毋捌摸飛
到倚年的時陣
張戇的誠歡喜走去欲揣萬仔舍
攢欲提伊一冬的月給 大隻牛
毋過萬仔舍目睭煞展大蕊講
啥物大隻牛 我共你講的是一罐油
你這个大戇呆 記持遮爾䆀
萬仔舍閣共頭越過 喙掩咧偷偷仔笑
唅 張戇的煞愣去
伊明明記甲真清楚
萬仔舍講的就是一隻牛
毋過 萬仔舍就是死毋坐認
張戇的誠無伊法
只好共油提咧 恬恬仔行出去
過一睏仔 張戇的又閣轉來萬仔舍𪜶兜
毋過伊手裡煞無提彼罐油
萬仔舍感覺奇怪就問伊
欸 你彼罐油咧
張戇的講
我共油提去廟裡做大布施矣
張戇的意思是講
伊共彼罐油提去捐予廟寺矣
布施的意思就是
無條件共人鬥相共救濟艱苦人
萬仔舍聽了毋相信
我逐冬攏會寄付規車油予廟裡
才算小布施爾
你干焦寄付小小的一罐油就是大布施矣
哪有這款代誌烏白講的謼
誠實的啦 我才踏入廟門口爾
就聽著內底喝講 送大布施的人來矣
萬仔舍聽了心內愈想愈毋願
氣怫怫走去廟裡欲揣人討公道
無疑悟
有一位老和尚已經徛佇門跤口矣
手咧捻喙鬚 笑微微敢若咧等伊來仝款
萬仔舍就共老和尚投一睏
老和尚啥物嘛無講
就𤆬萬仔舍入去禪房
請伊坐落來 才閣沓沓仔講
施主 請共目睭瞌咧 我予你敨心火
哼 我看你這和尚欲變啥魍
萬仔舍就隨共目睭瞌咧
干焦看著老和尚伸出指指
對萬仔舍的目頭共點一下
哇 這時陣 萬仔舍的目前雄雄光起來
伊看著一座大厝宅
四箍圍仔是看袂透的稻仔海
大厝宅內閣有一棟誠氣派的大厝
並𪜶兜的厝閣較有派頭
萬仔舍心內咧想
這是誰的大厝宅
真正是袂輸皇宮啊
這時陣的萬仔舍
又閣看著厝的大廳內有坐一位員外
欸 這位穿插奢颺的員外
敢若面熟面熟
喔 唉呀 這敢毋是阮兜彼个工人張戇的
拄佇萬仔舍當咧臆的時陣
遠遠的所在雄雄傳來一聲喝罵聲
猶閣有驢仔哀哀吼的聲
萬仔舍就綴這个聲音行過去
伊看著一个惡確確的工人
手攑牛捽仔誠惡毒當咧捽這隻驢仔
彼隻驢仔瘦甲賰一支骨目睭嘛青盲矣
牛捽仔若共捽一下
驢仔就會疼甲哀哀吼
萬仔舍感覺這隻驢仔誠悲慘
拄佇萬仔舍咧毋甘這隻驢仔的時
唉呦 這隻驢仔身軀頂敢若有字呢
伊共目睭展大蕊斟酌看
彼隻驢仔身軀頂真正有字
閣寫萬仔舍的名
萬仔舍掣一趒
目睭隨就擘金矣
伊看著家己猶閣坐佇禪房內
面頭前的老和尚笑微微矣當咧共看
啊 這 這到底是按怎咧
施主 拄才你看著的
是你佮張戇的的後世人
啥 後世人
萬仔舍閣較捎無摠矣
老和尚就共講
你為著錢所做的彼寡失德代
天公伯仔攏有咧看
予你袂走閃得
後世人你袂當閣出世做人矣
干焦會當做一隻青盲閣荏身的驢仔
毋但規工石磨仔挨無歇
閣著愛定定予人拍
來還你這世人所做的歹代誌
萬仔舍聽了面仔白蔥蔥
彼 彼張戇的哪會成做好額的員外咧
你提一罐油共伊換一隻牛
伊攏恬恬無講按怎 閣共油提來寄付
彼是伊做一冬才趁著的艱苦錢呢
伊心肝誠好 袂佮人計較
一世人攏咧積功德
所以後出世就成做好額的阿舍啦
這馬萬仔舍真正是驚破膽矣
伊趕緊問講 這欲按怎咧
請問 敢有法度補救
老和尚想想咧
喔 愛真心悔改 加積德 加做善事
無的確有改變命運的機會
萬仔舍轉去了後 就隨緊去揣張戇的
伊誠誠心共張戇的會毋著
嘛還伊一隻勇掔掔的大隻牛
閣加送幾罐仔油予伊添補
彼下暗 萬仔舍就做一个夢
伊夢著佇彼个大厝宅內
彼隻青盲閣荏身命的驢仔
已經變做一隻真勇健的驢仔囉
萬仔舍精神了後 心肝頭感覺加真輕鬆
伊決定 無欲閣奸巧痟貪矣
甘願予人偏嘛毋偏人 欲救濟艱苦人
自按呢 萬仔舍就成做庄頭巷尾
好善樂施 面慈目善的大好人
一隻牛佮一罐油的故事
也自按呢傳落來矣
張戇的心花開誠輕鬆 睏去矣
萬仔舍嘛安心仔 入夢矣
月娘 睏去矣
