
蔣慧云的小書包 台語版
175粉絲
註定一生貧困的乞丐,憑藉著無私的「先他後我」精神,不僅幫助了他人,也在這個過程中改變了自己的命運。
🍄
轉譯:Coco
播音:Coco
配樂合成:淩雪
字幕:惠善
影片合成:芫安 瑛垓
監製:李智鳴 蔣慧云
🍄 改編自:
【美东南随笔】一个叫花子问佛的故事
https://www.epochtimes.com/gb/16/9/11/n8289031.htm
乞丐問佛
https://www.shenyuncollections.com/zh/blogs/blog/altruism-changes-his-fate?srsltid=AfmBOorNHZ6h8_MvWDFVrrm50BbzCmfUUpOJZ2KoeSSl6JnTlFpmoeLV
🍄 我們的故事不只是一個故事,我們的詩也不只是一首詩
在彷彿面對面講述的情境里,我們精心安排了各種引領
引領著孩子想像、引領著孩子感受
讓孩子推理,也讓孩子關愛
小書包里拿出來的是一次次的薰陶與滋養。
這裏是兒童想像力、感受能力的鍛鍊場
也是人格與品德潛移默化的好幫手
除了是給兒童教育的輔助之外
也適合親子、師生共賞。
#乞丐問佛 #品德 #教育 #親子
AI 生成·可能包含錯誤
視頻概述
AI 生成這是一個關於一名善良乞丐前往西天請教佛祖的寓言故事。乞丐在旅途中遇到許多有困難的人與生物,他選擇捨棄自己的疑問,將有限的詢問機會讓給他人。最終,他的無私與善良得到了佛祖與眾生的回報,從一名貧窮的乞丐變成了富有且幸福的人。
故事聽了矣 就愛睏矣喔
有一个乞食
伊共分來的米攏囥佇米缸內
毋過 誠奇怪 毋管伊按怎認真 拍拚去分
伊的米缸按怎貯攏貯袂滇
有一工 乞食佇半暝仔予嗤呲聲吵精神
伊看著一隻鳥鼠當咧米缸內偷食米
伊足受氣的
原來就是你偷食 我的米缸才會一直攏貯袂滇
想袂到 這隻鳥鼠竟然會曉講話
是你命中註定干焦有半缸米 你袂當怪我
是按怎
我嘛毋知
鳥鼠想啊想 閣講
你去西天問佛祖啦
就按呢 乞食決定
明仔載就去西天問佛祖家己的運命
隔轉工透早 乞食就起行去遙遠的西天
伊行到足暗的
腹肚足枵的
就去一戶人家挵門分飯
有人佇咧無
有人佇咧無
拄好這間厝的員外當欲出外
就問伊欲去佗位
我欲去西天問佛祖啊
員外一聽 就請乞食嘛共伊鬥問佛祖看覓
原來啊 這个員外有一个查某囝
十六歲矣猶閣袂曉講話
我想欲請問佛祖
阮查某囝啥物時陣才會曉講話
乞食答應矣
自按呢伊佇員外𪜶兜歇睏一暗了後
閣往西天去矣
沿路乞食食足濟苦
有一工 乞食為著覕雨 就軁入去一間廟內
廟裡有一位老和尚
和尚問乞食欲去佗位
我欲去西天問佛祖啊
想袂到老和尚聽了後足激動的
我已經佇遮修行五百外冬矣
毋過 到今猶無法度修成
請共我鬥問佛祖看覓
我啥物時陣才會當功德圓滿
乞食嘛應好
了後 伊閣繼續行 沿路拄著真濟困難
尾仔 伊到一條大河邊
哎呀 這港河水傷掣流
袂得過欲按怎
就佇乞食急甲大聲吼的時陣
雄雄佇河水內浮出一隻足大隻的龜
你欲去佗位啊
我欲去西天問佛祖啊
真拄好
這隻千年老龜嘛有問題想欲問佛祖
我佇河中修行一千冬矣
到今猶無法度變做飛龍
請共我鬥問佛祖看是按怎
我就予你坐過河
乞食誠歡喜緊應 好
當千年老龜載乞食過大河了後
乞食閣行足久
猶毋過伊攏無揣著佛祖
有一工
乞食睏著踅神踅神
佛祖煞雄雄出現佇伊的夢內
你食盡苦頭來遮
想欲問我啥物問題咧
乞食誠歡喜講
我有幾个問題想欲請問佛祖
會當 不而過我干焦會應你三个問題
啊 三个問題
除了家己的問題
閣有員外 和尚佮千年老龜的
攏總有四个問題欲問啊
按呢 先問啥人的問題好咧
乞食想
千年老龜已經修行一千冬矣 伊的問題真重要
無 先問伊的好矣
佛祖聽聽咧應聲講
龜 是老龜惜殼 變無龍
頭一个問題問好矣
紲落去欲問啥人的咧
乞食想講
老和尚苦修五百冬矣
換來問伊的問題好矣
佛祖聽了 應講
老和尚手頭的錫杖是一个寶物
用伊佇塗跤撞一空
塗跤就會濆出清泉水
假使老和尚若放會落這個寶物
伊就會當修成矣
這馬賰上尾一个問題矣 愛問啥人的咧
乞食想啊想
員外的查某囝袂當講話 足可憐的
所以伊決定問員外的問題
佛祖笑笑仔應講
伊的查某囡仔若拄著佮伊有姻緣的人
自然就會講話矣
這句話講煞 佛祖就消失去矣
三个問題問了矣
雖然無問著家己的問題
乞食嘛欲來轉矣
伊先拄著千年老龜
龜早就咧等伊矣
佛祖講矣 是因為你毋甘尻脊骿頂的龜殼
千年老龜聽了雄雄覺悟
因為伊的龜殼內有二十四粒珍貴的夜明珠
所以伊一直毋甘
我共這有錢無地買的寶貝送予你
講煞 老龜就趖出龜殼
共龜殼送予乞食
了後 干焦聽著一聲霹靂
千年老龜就變為做神龍飛上天矣
自按呢乞食紮著夜明珠來到廟寺 伊對老和尚講
佛祖講 你放袂落你彼支錫杖
老和尚一聽 澈底覺悟
伊隨手共錫杖囥佇乞食的手裡 對天大笑
一目𥍉仔 老和尚跤底浮出祥雲 就飛上天矣
了後乞食閣來到員外𪜶兜門跤口
員外的查某囝看著乞食 大聲喝講
阿爹 問話的人轉來矣
員外煞著驚 查某囝哪雄雄會講話
乞食共佛祖的話講予員外聽了後
員外就共查某囝嫁予乞食
自按呢 乞食無閣是乞食矣 伊娶著某 起大厝
而且伊蓄的田 從來攏免掛心無水通好用
故事講了矣
敢有聽著水田裡 水雞當咧唱育囡仔歌
風 真恬靜喔
乞食佮𪜶牽手沓沓仔睏去矣
月娘嘛睏去矣
