
蔣慧云的小書包 台語版
175粉絲
1042 次觀看·2026年5月29日
明明在山上可以成功穿牆,現在怎麼失敗了?
🍄 本集製作
轉譯:佩貞
播音:于曉洪
配樂合成:淩雪
字幕:惠善
影片合成:芫安 瑛垓
監製:李智鳴 蔣慧云
🎒 訂閱小書包會員,讓孩子從故事長本事 🌱
依據認知心理學的研究認為,孩子自很小的時候,就開始把他的經驗「故事化」,這是孩子們理解世界的開始。
所以,「故事」是孩子很好的起點。好的故事,醞釀著孩子好的性格與靈魂,細潤無聲。
相信每個父母都曾經發現孩子在故事裡的興致盎然,為什麼?因為故事有角色、有情感、有起伏,這些元素吸引著孩子。
因此,為何不讓這些元素也來幫助孩子「學習」?讓孩子從故事長本事!
AI 生成·可能包含錯誤
視頻概述
AI 生成王七渴望習得神術,在山中拜師學習。師父先以繁瑣且無意義的體術磨練其耐心,隨後展示幻術讓王七領悟法術如幻影。最終王七僅習得一個簡單的「軟墊咒」便回家炫耀,卻因心性不端導致咒語失效。他最終意識到真正的神術不在於外在法術,而是在於內心的修行。
今仔日這个故事 愛你小想咧
伊的仙術 哪會展未出來
較早有一个讀冊人叫王七
𪜶兜幾若代攏做官
毋過伊無愛做官 伊想欲修道學仙術
有一工 王七聽講嶗山有仙人
伊心肝癢癢 隨緊跤款行李上山
當荏身的王七
怦怦喘的行到山頂的時
有影看著一間清幽的宮廟
宮廟裡有一个白毛道士
兩蕊目睭真有神老神在在
王七看著心內敬佩
趕緊進前跪拜
懇求道士收伊做徒弟
道士看一下仔王七嚴肅共講
修道 愛修心嶄然艱苦
我看你跤尖手幼恐驚會袂堪得
你臆王七按怎應伊
伊講閣較按怎食苦我嘛心甘情願
若準按呢道士就勉強答應伊
王七留佇宮廟內
隔轉工透早王七規心向望
今仔日師父欲教我飛天術
抑是掩身術咧
啥知影師父干焦提一支斧頭予伊
無意矣無意講
去 綴師兄去剉柴吧
欸 王七愣一下
猶是真好禮的
綴著師兄去剉柴矣
隔轉日 王七猶是綴著師兄去剉柴
第三工 第四工 攏仝款
足濟工了後
你臆 這時王七心內想啥物
逐工剉柴強欲忝死矣
當時才學會著仙術咧
等到王七剉一月日的柴
伊兩肢手攏結出厚厚的趼矣
這時 伊無想欲修道想轉去厝
佇這工暗頭仔
王七綴師兄𪜶共柴剉完轉來
看著師父當咧招待兩个人客
這時的厝內淡薄仔暗矣
干焦看師父提起一枝鉸刀
鉸鉸鉸 就鉸出一个
圓圓圓的紙片糊佇的壁頂
你敢知影紲落來會發生啥物代
彼張圓紙竟然成做滿月的月娘
光焱焱的月娘予規間厝攏光矣
哎呀王七看了煞驚一趒
一个人客笑笑講 這月色真好
較輸逐家做伙樂暢𠯗一杯矣
自按呢師父提一鈷酒予徒弟𪜶
予徒弟𪜶啉甲歡喜
王七想講 酒這小壺
呔會夠遮爾濟人啉咧
猶毋過講嘛奇怪
𪜶師兄弟你倒了一杯我嘛倒一杯
你閣倒了一杯我閣倒了一杯
這鈷酒內的酒
按怎嘛倒未完
不偌久一个人客講
若有嫦娥做伴就愈妙矣
哈哈哈哈師父聽煞 大笑一聲
就共箸對彼壁頂的月娘擲落去
無偌久月光內一个美人
那跳舞那行出來
拄佇王七看甲目睭戇神的時陣
彼美女雄雄飛去酒桌頂
一轉踅閣變轉去一枝箸
這時一个人客佮講
恁兩位敢欲佮我登月做伙啉咧
王七看著師父佮兩个人客講煞
就向著彼壁頂的月娘飛過去矣
紲落去就看見𪜶三个
竟然有影坐佇月娘內底
提酒杯仔暢啉
不偌久厝內就完全暗落來矣
自按呢一个師兄共蠟燭點著
王七遮才發現
壁頂的月娘已經變轉圓紙矣
人客嘛攏無去矣
干焦賰師父恬恬仔坐佇遐
師父用心吩咐對弟子交代講
修道根本 介在修心
成道圓滿 自有仙術
強求法術就像幻影仝款
王七心想
師父講這是啥物意思矣
啥物幻影仝款
伊聽無啥有
猶毋過伊決定毋走矣
欲繼續留落來學仙術
猶毋過尾仔
師父教王七學仙術矣無 無
師父猶是予王七綴師兄𪜶去剉柴
按呢閣過了一月日
王七尾仔擋袂牢矣
伊向師父告辭
弟子來遮求道無學著長生術
嘛無學著任何法術煞逐工剉柴
弟子實在煞歹堅持
唉 師父頭幌幌咧吐大氣
修道要意磨練心志
你連第一關攏無過矣
仙法按怎學會著
師父紲落去講
那按呢 你明仔載就轉去
王七著急的講
弟子無敢空手轉去
請師父傳我小可仔才調
也好轉厝交代
師父想一下共問
無 你想欲學啥物
我看師父攏毋免對門行
直接軁壁出入
我想欲學這个軁壁術
自按呢 師父就傳授王七軁壁術的咒語
王七照做 伊竟然有影對壁的這一爿
迵過到壁的另外一爿去矣
王七足歡喜的趕緊共師父講多謝
師父提醒伊講
你轉去了後 就愛修養心性
毋通隨意共人展
若無 就算有咒語
這軁壁術猶是會失效
王七告別了師父轉去故鄉
伊共師父的吩咐通忘記了了矣
見人就共展講
我學會曉軁壁術轉來矣
𪜶某聽了半信半疑
自按呢王七行到壁堵前
伊欲證明家己
伊喙裡開始念著師父
教伊的軁壁術的咒語
紲落去頭犁犁對壁硬死衝去
王七壁無軁過 煞跋倒佇塗跤
頭殼額仔閣胮起來
王七撫著頭殼
心肝內悶悶 哪會失效去矣
伊尾仔閣試幾擺矣 攏無效
哎喲 到有一工暝時
伊攑頭看著月娘
雄雄想起師父講的話
修道根本 介在修心
修成圓滿 自有仙術
強求法術就像幻影仝款
喔 王七才了解
仙術矣 毋是去外口求的
卻是修心才得會著的矣
睏去的王七佇夢中閣一直咧想
啥物是修心矣
嫦娥佇月宮 看著王七微微仔笑矣
月娘嘛睏去矣
