
蔣慧云的小書包 台語版
175粉絲
故事改編自歐陽修筆記集《歸田錄》裡面的〈賣油翁〉,這是一個關於射箭高手與賣油老爺爺的故事。
射箭高手從賣油翁那裡,明白了「熟能生巧」的道理,學會放下驕傲,成為一位真正謙遜的強者。
🍄 本集制作:
轉譯:怪婆婆
播音:于曉洪
配樂合成:怡伶
字幕:惠善
影片合成:芫安 瑛垓
監製:李智鳴 蔣慧云
🎒 訂閱小書包會員,讓孩子從故事長本事
#乾淨校園夏令營 #兒童 #北宋 #歐陽修 #賣油翁
AI 生成·可能包含錯誤
視頻概述
AI 生成這是一個關於謙虛與精進的故事。一名自恃才華的年輕人(被稱為「當老虎」)在獲得眾人讚賞後變得傲慢,直到他遇見一位賣油的老伯。老伯以極其精準的技巧將油倒入窄口瓶中,並表示這僅僅是長期練習的結果。年輕人因此意識到,唯有保持謙虛才能看見自己的不足並持續進步。
拍開冊揹仔
我是蔣慧云
今仔日咱欲講一个
按怎才會變做𠢕人的故事
一支箭咻一下就飛出去矣
準準射著中央仔的紅心
邊仔有一个囡仔兄咧大聲喝
𠢕 陳阿兄啊你上蓋𠢕啦
這个射箭的人號做陳堯咨
伊才無幾歲 頭摸摸咧歹勢歹勢
看著彼个出力拍噗仔的囡仔
有淡薄仔歹勢呢
後來咧
陳堯咨逐工攏足拍拚咧學練
搝弓 相準 射箭
愛看伊射箭的人嘛那來那濟
伊嘛愈來愈慣勢
逐家的呵咾佮噗仔聲
幾年了後 陳堯咨射箭的本頂
嘛那來那熟手矣
有一工透早 大埕內有足濟人咧等
毋但大人 連囡仔嘛攏躡跤尾
閣頷頸仔伸長長
等欲看陳堯咨射箭
這時陣 拄好樹頂有一片樹葉仔落落來
陳堯咨心頭一掠 緊共弓箭攑起來
相準準 一箭射出去
毋但射著彼片樹葉仔
連彼片葉仔嘛予射佇
圓箍仔的紅心
規大埕的噗仔聲佮呵咾聲
若雷咧霆咧
有一位少年家比陳堯咨
共一个查埔囡仔講
你看伊的跤手誠猛
搝弓的時肩胛頭攏袂振動穩觸觸
這才是功夫啦
陳堯咨家己嘛感覺真得意
伊淡薄仔囂排 頭越過來
看著規埕人欽佩伊的目神
聽聽著逐家攏咧共呵咾伊心花開
這時陣 伊看著大埕邊有一位老阿伯
這位老阿伯敢若對陳堯咨
高明射箭的本頂看無上目
干焦恬恬坐佇遐看
埕內眾人的喝聲 伊當做無聽著
陳堯咨心內啟疑伊忍袂牢
就行去老阿伯面頭前 問講
老阿伯 請問你拄才有看著我咧射箭無
有啊
陳堯咨閣問
按呢 你是看我射箭的手路無好是無
老阿伯講 少年的
你的箭法有影算袂䆀啦
毋過 這干焦是做久就熟手爾
陳堯咨認為家己的箭法
是無人比會過
啥物做久就熟
伊目頭結結問講
你是咧講啥啦
老阿伯笑笑嘛無講話
伊老神在在
寬寬仔共手伸入去身邊的擔仔內
陳堯咨這才發現著
老阿伯是一个賣油阿伯
這時陣 大埕內規陣人攏圍倚來矣
干焦看老阿伯
對擔仔內提出一个油匏仔
閣對袋仔內撏出一个銅鐳
紲落 共銅鐳崁佇油匏仔喙面頂
這老阿伯是欲創啥咧
閣再來 老阿伯𣁳一杓仔油起來
了後 閣共油杓仔攑甲懸懸懸
敢講老阿伯欲共油
按呢對錢空斟入油匏仔內
油匏仔的喙口是有夠細空的啦
銅鐳崁咧了後
銅鐳的四角空袂輸針空咧
油杓仔攑甲遐爾懸
遮爾細空哪有法度斟入去啦
看鬧熱的人攏毋相信
一个查某囡仔
伊圓輾輾的目睭金金相
共匏仔喙相牢咧攏無𥍉
干焦看著油敢若金仔絲
對頂懸沓沓仔流落來
紲落準準迵過銅鐳的四角空流入去
落尾 規杓油攏準準斟入油匏仔內
囡仔共銅鐳提起來摸摸咧
銅鐳足清氣的啊
伊共手的銅鐳提懸
出聲喝講 喔 一屑仔油嘛攏無呢
呦 逐家閣起一陣喝聲
這陣喝聲袂比拄才細聲
有人吐舌講
真正是高頂的功夫喔
老阿伯的特技 真正是神啦
無nooh 應該講是金絲穿錢空啦
陳堯咨嘛是看甲喙仔開開
伊心內咧想
老阿伯的手路哪會遮𠢕咧
又閣直又閣在
這手路才是正港功夫啦
伊喙舌拍結問講
老前輩 請 請教你是按怎做著的咧
老阿伯笑微微講
呵呵呵 我干焦是一个賣油的爾啦
逐工攏愛斟油 斟仔斟 逐工斟
斟久就慣勢矣啦
干焦按呢爾
陳堯咨欲信若毋信
老阿伯頕頭講
嘛無啥撇步啦 干焦熟手爾
陳堯咨看老阿伯老神在在
眾人對伊的呵咾
伊攏無囥佇心內
雄雄伊頭煞犁落來
伊想著家己會曉射箭了後
尾椎翹懸的囂俳款
一時煞面仔紅絳絳足見笑的
一睏仔 陳堯咨頭擔起來
伊合手共老阿伯行禮講
多謝老前輩的指教
予陳堯咨學著的是
囂排就看袂著家己的欠點
干焦謙虛的人
才會認真拍拚學練 直直進步
尾仔才會變做𠢕人啦
這就是賣油的老阿伯共伊教的
大埕跤樹頂的葉仔 落佇塗跤
恬恬仔睏去矣
領悟著大道理的陳堯咨
轉去厝 微微仔笑 睏去矣
月娘 睏去矣
