
蔣慧云的小書包 台語版
175粉絲
610 次觀看·2026年6月12日
🍄 本集製作:
轉譯:佩貞
播音:小太陽
配樂合成:怡伶
字幕:惠善
影片合成:芫安 瑛垓
監製:李智鳴 蔣慧云
🍄 我們的故事不只是一個故事,我們的詩也不只是一首詩
在彷彿面對面講述的情境裡,我們精心安排了各種引領
引領著孩子想像、引領著孩子感受
讓孩子推理,也讓孩子關愛
小書包里拿出來的是一次次的薰陶與滋養。
這裏是兒童想像力、感受能力的鍛鍊場
也是人格與品德潛移默化的好幫手
除了是給兒童教育的輔助之外
也適合親子、師生共賞
AI 生成·可能包含錯誤
視頻概述
AI 生成這是一個關於農民丁三與水鬼之間奇妙友誼的故事。丁三透過供奉酒菜與水鬼結交,並在水鬼的幫助下獲益。然而,丁三多次不忍心讓他人溺水,強行阻止水鬼捕捉靈魂,這種慈悲心最終感化了水鬼,使其放下執念,最終被任命為土地公,而丁三也因此積德,生活富足長壽。
你敢有看過你兜附近的土地公廟
內底的土地公是坐咧 抑是徛咧
拍開冊揹仔
今仔日 有一个 土地公欲徛起來的故事
較早有一个農民 叫做丁三
𪜶兜真散赤
有當時仔 伊會去庄裡的溪仔掠魚
換寡錢 相添所費
不而過 伊真少掠著魚
有一工暗時伊佇溪仔內
共漁網展開了後
就佇溪仔邊頂舒一塊布
閣囥一斤提早攢好的燒酒
半斤煏黃豆
佮兩枝刺瓜仔
紲落去
伊面對溪仔祈禱
溪內的神明啊
阮兜真散赤
無法度買好禮好菜 來共你拜
希望你會當予我逐日掠著三兩斤魚仔
相添所費
感謝
講煞
伊跪佇塗跤敬三杯酒
閣磕三个頭
丁三拜煞了後
河神無出來
煞出來 一个水鬼
水鬼仔講
感謝老兄的好酒
我佇這溪仔內寒閣枵
無食無啉
到今已經兩冬外矣
啉著你的酒
食著你的菜
以後共你鬥趕一網仔魚好矣
丁三驚一趒
毋過伊想講
我這世人無做啥物歹代誌
毋免著驚
伊看這个水鬼仔嘛無兇惡
就佮水鬼仔那啉酒那開講
講到暗暝二更矣
暗時九點外
水鬼仔講
我去共你趕魚仔
你聽著魚仔𧿳𧿳跳的聲
就會使起網矣
過一下仔
丁三有影聽著魚仔𧿳𧿳跳的聲
伊隨起網
漁網仔內 誠實有袂少魚仔
丁三轉去厝一下秤
真正有三斤外
尾仔 丁三見若到溪邊掠魚
就共水鬼仔捾酒紮菜
水鬼仔嘛攏替伊趕三兩斤魚仔
自按呢 不知不覺
幾月日過去矣
有一工 水鬼仔對丁三講
明仔載 我佇這溪內就滿三冬
中晝有一个老阿婆
會到溪仔邊
伊是我的冤親債主
閻羅王已經允我
會當揣伊報冤仇
了後 我就愛去投胎矣
彼工中晝 丁三誠實看著一个老阿婆
當咧對溪邊行去
伊共老阿婆閘落來佮老阿婆開講
尾仔老阿婆就無去溪邊
直接轉去厝矣
到暗時 丁三攢比平常時
閣較豐沛的酒菜
水鬼仔來矣伊真受氣 對丁三講
你是按怎欲破壞我的好代誌咧
丁三趕緊賠罪講
我實在無忍心
看著老阿婆嘛淹死
是我對不起你
你看 我今仔日
專工攢一盤仔肉
就是來共你賠罪的
水鬼仔無法度
嘛只好佮往過仝款坐落來
水鬼仔那啉酒那對丁三講
這老阿婆頂世人是按怎共伊凌治的
伊是有偌爾矣怨恨這个老阿婆的
這馬真無簡單閻羅王才允伊
會當報冤仇
煞予丁三共破壞去
丁三一直會失禮
伊苦勸水鬼仔講
雖然講有恩報恩有仇報仇
猶毋過冤冤相報當時才會煞
不而過 水鬼仔聽了
猶是氣怫怫無法度接受
丁三閣問水鬼仔
你敢遮爾想欲投胎
水鬼仔講 遮濕閣寒
你無來的時
我無通食閣無通啉誠艱苦
這工過了閣幾若冬
有一工 水鬼仔閣共丁三講
明仔載一个查埔囡仔
會到溪邊耍水
伊是我另外一个冤親債主
你就莫苦勸我矣
水底的生活是誠歹過
隔轉日 丁三咧作田的時
誠實看著一个活潑的囡仔兄
當欲落水去耍
丁三不忍心看查埔囡仔
遮爾小漢就淹死矣
伊連鞭走過去共囡仔兄趕走
這工暗時
水鬼仔閣怨嘆丁三一睏矣
丁三仝款會失禮
閣繼續苦勸水鬼仔放下怨恨
退一步天闊地闊
可能是丁三這幾年
有機會就苦勸水鬼仔的關係
這擺水鬼仔
敢若無像往過遐爾受氣
尾仔這幾冬
水鬼仔閣連紲救幾若个
意外跋落水的人
有一工暗時
水鬼仔托夢予丁三講
我是來佮你相辭的
明仔載我就愛去
隔壁庄做土地公矣
丁三驚一趒
趕緊問水鬼仔發生啥物代誌
原來今仔日本底
閣有一个冤親債主欲來
猶毋過水鬼仔放伊干休無報仇
因為水鬼仔共怨慼放下
閣會曉善待別人
所以就予人任命做土地公
丁三聽煞
真歡喜共講 兄弟 恭喜
落尾伊就對夢中精神矣
天光的時陣
丁三就捾酒買肉
紮紙錢 炮仔
到隔壁庄的土地公廟去
隔壁庄的土地公一看
是丁三來矣
就趕緊起身迎接
這時煞予一个目睭利的
囡仔兄看著
緊看土地公徛起來
土地公聽著
知影家己按呢無妥當
自按呢就 嗯 定牢咧
毋才有這馬 半跍半徛的土地公佇遐
水鬼仔做土地公了後
誠認真咧照顧彼方的鄉里
村民攏足平安的
閣來因為丁三積功德
嘛是善有善報
𪜶兜的田園年年豐收
家境沓沓仔好額起來
尾仔 丁三活到八十外歲無病過身
遮是蔣慧云的冊揹仔
故事講煞矣
你敢會好玄
是按怎水鬼仔一直攏無害丁三
猶有 丁三積陰德
閣是啥物意思
希望你來到乾淨世界
蔣慧云的冊揹仔頻道內底
共阮講你的想法喔
