
蔣慧云的小書包 台語版
175粉絲
1687 次觀看·2026年5月20日
本作品改編自《伊索寓言》〈伐木人與赫耳墨斯〉(又名〈金斧頭與銀斧頭〉)。
🍄 本集製作
轉譯:佩貞
播音:小太陽
配樂合成:淩雪
字幕:惠善
影片合成:芫安 瑛垓
監製:李智鳴 蔣慧云
🎒 訂閱小書包會員,讓孩子從故事長本事 🌱
依據認知心理學的研究認為,孩子自很小的時候,就開始把他的經驗「故事化」,這是孩子們理解世界的開始。
所以,「故事」是孩子很好的起點。好的故事,醞釀著孩子好的性格與靈魂,細潤無聲。
相信每個父母都曾經發現孩子在故事裡的興致盎然,為什麼?因為故事有角色、有情感、有起伏,這些元素吸引著孩子。
因此,為何不讓這些元素也來幫助孩子「學習」?讓孩子從故事長本事!
所以,誠摯邀請您到蔣慧云的小書包頻道首頁訂閱會員,支持我們,並立即享受會員專有節目。
小書包讓孩子「從故事長本事」!
AI 生成·可能包含錯誤
視頻概述
AI 生成這是一個關於誠實與貪婪的寓言故事。兩位出差的人不慎將寶頭掉入河中,第一位年輕人因誠實拒認金寶頭而獲得三支寶頭的獎賞;第二位年輕人則企圖透過謊言獲利,最終不僅沒拿到金寶頭,連原有的寶頭也失去了。
有兩个剉柴的人
𪜶的斧頭攏拍無去
毋過 𪜶的結局 哪會無仝咧
佇一个樹仔發了足旺的庄仔頭
有一个剉柴的人
伊逐工攏 揹伊的斧頭去山頂剉柴
柴剉煞 嘛攏會足斟酌保養伊的斧頭
所以這支斧頭雖然舊矣
猶真利閣真好用
一工早起
剉柴的人那哼歌那行來湖邊的樹林仔內剉柴
這時日頭光 照佇湖面規片金鑠鑠
就那親像湖水頂懸 掖真濟金仔仝款
閃閃 爍爍非常迷人
伊像以早相𫝛
真認真咧剉柴
嘛毋知影 剉柴剉甲啥物時陣
忽然間 手一下滑
斧頭 煞飛出去矣
竟然 拄好落入去湖裡
害矣 伊足著急 緊走來湖邊
想欲共斧頭抾轉來
毋過湖水足深 看袂著湖底
剉柴的人 跍佇湖邊規晡久
嘛想袂出辦法
伊足懊惱 講
若無彼支斧頭
我是欲按怎來剉柴轉去
這的時陣 水面上雄雄起水波
一个白喙鬚的老阿公對水裡浮出來
伊笑微微仔 問講
少年的你為啥物遮爾憂頭結面咧
剉柴的 驚一趒
後來 伊看這位老阿公足慈祥和善
無親像歹人
就對老阿公講
我的斧頭落入去湖裡
而且 我干焦有這支斧頭爾
老阿公 文文仔笑講
喔 按呢喔 我來共你鬥相共
你小等一下喔
講了老阿公就藏入去湖裡 無看著人矣
過一睏仔 老阿公閣浮出湖面
手裡攑一支金鑠鑠的斧頭
這支斧頭金閃閃
親像日頭光仝款 遐爾影目
老阿公問剉柴的人
這敢是你的斧頭
剉柴的人 目睭眯一下幌頭講
毋是 這支金斧頭傷過媠矣
我的無遮爾媠
老阿公閣藏入水底撈一支銀爍爍 光焱焱
敢若親像溫柔仔月光的斧頭
問講 這支敢是你的
剉柴的人看了以後 猶是幌頭講
毋是 這支銀斧頭真媠
毋過 我的斧頭是烏趖趖的
落尾 老阿公提出一支舊舊黑黑
鐵仔做的斧頭 閣問
這支 敢是你的
剉柴的人看著歡喜甲跳起來
對 就是這支 真多謝你
老阿公那摸喙鬚 那笑笑仔 講
你袂貪心 真老實 閣真善良
嗯 我真佮意你按呢的人
這三支斧頭 你攏共𪜶提轉去
剉柴的人煞愣去
馬上就共頕頭行禮 講 真感謝你
我會共𪜶好好仔使用
落尾 伊踏著黃昏的日頭光
歡歡喜喜轉去厝矣
剉柴的人 佇湖邊發生的代誌
一下仔 就佇庄仔內 傳出來矣
逐家攏講 伊足好運
庄仔內 猶閣有一个剉柴的少年人
伊平常時 做代誌凊凊彩彩
嘛真無愛惜物件
伊看著家己已經生鉎的斧頭
心肝頭想講 有這款好空的代誌
我嘛欲來去試看覓
隔轉工 剉柴的少年人就來到湖邊
伊假影無細膩 共家己的斧頭落入湖裡
紲落來 伊就坐佇湖邊 大聲喝講
我的斧頭 我的斧頭 落入去湖裡矣
這時 湖水頂懸 有影閣起水波
白喙鬚的老阿公 誠實出現
伊笑微微 仔問講
少年的 你啥物落落去
剉柴的少年 忍耐心內的激動 講
我一支斧頭 煞輾落去矣
這是我唯一的斧頭
敢會當麻煩你共我鬥相共揣出來
老阿公答應矣 就藏入水底
然後佮進前仝款
提出一支金光閃閃的金斧頭 講
這敢是你的
伊的目睭瞪甲足大蕊 佮喨仔仝款大
對對對 這支是我的金斧頭
老阿公 認真閣共問一改
你敢有確定
少年剉柴的 馬上頕頭講
當然是矣 你趕緊還予我
哎 老阿公頭幌幌咧 講
這支金斧頭毋是你的
你真正無老實 傷過貪心
轉去厝好好仔 想予清楚
我嘛 袂閣再共你鬥相共揣斧頭矣
講煞 老阿公就消失矣
湖水閣再恢復恬靜
自按呢 伊真受氣 就轉去庄仔內
斧頭無去矣 干焦會使共人借柴煮飯
伊心內 一直家己喃喃念
是按怎 人就提著三支斧頭
我煞攏無半項
看來 這个少年剉柴的猶閣想袂通咧
毋知 你會使共伊鬥講無
是按怎伊會連一支斧頭嘛無矣
白喙鬚的老阿公 慈祥和善 咧睏矣
生鉎的鐵斧頭
嘛安安靜靜佇湖底 睡去矣
月娘 嘛睡去矣
