（字幕合成回顧）佐敦流水蝦燒烤放題店不敵餐飲寒冬結業，老闆娘稱去年起生意慘淡，人流少6-7成，形容蝕到驚。（2026.5.13首播）

我哋開咗都差唔多六年噶啦 我哋最最有特色嘅就係流水蝦 呢流水蝦就喺你個座位隔離 基本上你坐響度你都可以好隨意咁樣去夾到啲蝦 跟住凍暈咗佢之後就可以擺上個爐度燒 你睇到只只都係好生猛喺度遊緊水嘅 我哋啱啱開嗰陣時，應該都仲有其餘 應該話有一間係佢開先嘅 我哋應該係第二間開嘅 我哋開完之後 香港又再有多兩三間流水蝦 最高峯期應該都我諗都有成 三至四間公司都有做呢個流水蝦 我哋本身咧就有兩間分店 一間就佐敦啦，另外一間就係荃灣嘅大紅輝 大紅輝就係上年年頭嗰陣時就close咗啦 而家就剩翻佐敦 記者":有沒有說那間又是什麼原因 都係租貴第一 因為那邊比那邊更大 我中分季但人流少了支撐不住 我哋都係滿約之後就決定就結業啦 今次佐敦呢一間又係滿約 事實上人流又真係比以前少咗好多嘅 通咗關之後咯，尤其是 通咗關之後，就真係慢慢慢慢啲客係一路一路咁少咯 其實我哋都諗咗好多方法 例如推出加一蚊會有個小火鍋 亦都有延長咗個食嘅時間 由本身兩個半鐘 我哋後尾就加到三個鐘，而家就加到五個鐘 都諗盡方法㗎啦，但係都係冇辦法，救唔到 都係刺激唔到個生意額，反而個成本係增加咗嘅 比起你兩個半鐘同埋三個鐘，反而個成本增加 但係我哋情願賺少啲都唔緊要，起碼你有翻個人流先 我最多賺少啲 但係起碼你有多啲嘅人流 我賺少啲都唔緊要，但係刺激唔係好大 我哋係咁啱喺疫情期間開嘅 我哋啱啱一開嗰陣時，仲要係停晚市嘅 但係一停完晚市之後，一開翻 正常有翻晚市食嘅時候 啲人就真係好多客係真係book臺嚟食 加埋疫情期間都難book嘅 可能你都要提前幾日book先至有位 但係近呢一兩年真係整咗好多 如果你話我哋有十幾款嘅海鮮食 又有咁新鮮嘅流水蝦 其實呢個價其實唔貴咯，三百幾蚊 你任食海鮮，我哋有圓貝鮑魚，有原條魚俾你燒 其實呢個價真係真心唔貴 嘢飲又是任你飲，又有啤酒汽水，乜都有 我覺得呢個價錢其實係合理嘅，唔貴嘅 因為你始終你鋪租啦人工啦 燈油火蠟啦，呢啲都係開支嚟㗎嘛 熱潮過咗 你可能就要換一啲新嘅嘢去試下 其實都有難度嘅 因為始終個裝修你要一喐嘅話 喐得都幾犀利 如果你唔要流水蝦或者你轉型 成個裝修你都要轉咯，又係一筆大嘅投資嚟嘅 因為我哋間鋪始終唔係細，我哋都成幾千尺咁 所以你一喐就要喐得好犀利咯 我哋如果夾埋海鮮，連埋串燒熟食 我哋其實都百幾款嘢食，都好多種類 你覺得主要唔係喺自身嗰個吸引力方面 主要會唔會係大環境因素 絕對係，絕對關大環境事 事實上個經濟都真係差咗 譬如我哋有啲熟客真係fans嚟嘅 可能以前佢講緊可能一個月佢嚟食兩次三次 但係而家可能佢會係一兩個月或者兩三個月先嚟食一次咯 即係調翻轉咯 即係佢都會嚟，但係嚟得疏咗 最近呢一兩年亦都多咗 任撈海鮮的火鍋店 以前冇咁多啫，我哋開嗰陣時係冇咁多 好少會任撈海鮮嘅，近呢一兩年係多咗嘅 呢個都亦都係競爭之一咯，我哋就不嬲海鮮都係有㗎啦 品種都算係多㗎啦 只不過唔係任佢鬧啫，但係任佢夾咯，都係俾佢任夾㗎啦 你話轉就真係難，真係難轉嘅 我哋個賣點就係你喺你個座位隔離 就有蝦俾你夾，即係方便咯，呢個亦就係我賣點咯 我哋都係比之前係有減咗啲嘅，應該話優惠時段 譬如我哋晏晝星期六星期日 我哋都係三三八無加一任食嘅 小朋友一九八，大人三三八 有優惠時段五點至七點半，我哋都係呢一個價 或者宵夜時段我哋都係呢一個價 其實已經減到好低 因為我哋嘅 食材咧，我哋不能減食材，我依舊係要有翻嗰啲食材 但係食材嘅價格係冇跌過 我個價錢調整已經係盡量調，已經調到冇得再調，冇得再低啦 因為我想保持翻個食物嘅質素，最主要係呢樣原因 會唔會有加租嘅原因 冇冇唔係加租，係真係滿約啦 有冇商量過減啲租可以再做落去？ 我哋都計過條數，都好難維持啦 其實挨咗年幾噶啦，已經真係有二五年 捱到而家呢一刻咯咁同埋 加上咧，其實流水蝦都唔係容易做，即係 做咗咁多年啦，咁其實你係 尤其是夏天啦，喺個運送嘅過程啲蝦又好容易會死啦，即係 運到嚟嘅，可能分鐘會死三分一 都唔出奇，咁但係我哋錢，我哋又要照俾 但係死啊死又唔夠蝦供應俾客又有機會 即係呢個都係影響我哋成本好大嘅開支之一咯係啦 所以唔易做咯 難做嘅，即係我哋又要keep住 要有我哋呢個gimmick喺度 你又唔可以冇咁 但係正正亦都某程度上都係因為呢一樣嘢 而令到我哋嘅開支又加重咗，加大咗 尤其是小朋友非常開心 好多小朋友係真係生日，佢要指定 同阿爸阿媽講：我我要嚟哈哈笑係啊，咁 有啲小朋友真係慶祝咗幾年生日，佢都係喺度慶祝咯 其實蝕咗年幾噶嘞，由二五年開始蝕到而家噶嘞，咁 其實都真係撐得好辛苦 係啊，好攰啦，撐得好辛苦，所以先有咁嘅決定 二四年啦，二四年都仲有少少執下，即係有少少賺下嘅，去到 二五年咧就真係好靜好靜開始 有冇諗過可以挨過呢段時間，可能有啲轉機？ 暫時都唔會再諗咯係啊，因為都真係挨咗半年 挨咗一年咧有啲驚 睇翻個經濟大環境，其實都有啲驚 暫時唔係真係咁睇好，如果之後嘅話 要睇下個環境如何，先會再去諗 二四年都係偏差，但係未至於到好差 但係一踏入去二五年就明顯睇到係靜咗 好多嘅人流少咗好多嘅 尤其係啲國節啊，或者啲節假日 走曬啦，啲人係全部走曬 啱啱嗰個復活節啦，四月份個復活節，比起平時 閒日啦，星期一至四仲要再差 人可能真係翻曬大陸啊，或者去曬旅行唞一唞先 因為真係畢竟都做咗 差唔多六年係有啲攰嘅 所以唞一唞，再諗下下一步會點做 人流嗰度其實少咗幾多嘅 我諗都有 得翻三四成，比起疫情 期間少咗六七成 都幾恐怖嘅呢個數字 可能好多真係喺度捱緊個租約 可能租約未完，咪要捱完個租約為止咯 我覺得係咁咯 其實心情啊，會唔會話都唔係好捨得 唔捨得，因為始終都真係差唔多六年時間 我幾乎都差唔多日日都喺度咁滯 係真係好唔捨得，好似親生仔咁樣咁 但係唉 幾唔捨得都都要放咯係啊，因為始終佢個場都大 咧，依家呢個環境我諗唔係幾 多個可以夠膽去接手咯 開嗰陣時係OK嘅，同埋好有新鮮感 啦係啊，咁好多客真係食完，哇好即係香港冇乜幾多間 啊嘛咁呢樣嘢係呢個流水蝦係喺泰國度傳過嚟噶嘛，係啦咁啊 以前啲人係真係淨係可以去泰國你先可以食到流水蝦咁 但係但係泰國嗰啲流水蝦都係冇冷氣噶嘛係啊 都係都係好熱咁樣流住汗嚟食嘅咁 但係你喺香港你可以攤住冷氣嚟食燒烤 同埋食你話流水蝦咁啲客咪覺得係好舒服咯係啊 所以初初係好吸引嘅係啊 餐飲業真係，其實我知各行各業都捱得辛苦嘅 但係尤其是餐飲業就真係寒冬 咯，喺呢喺呢一兩年真係一個寒冬咯， 真係捱得好辛苦即係啲可能啲同業都係咁受嚇係，咁 我我識有幾個朋友 有有一兩個已經係結業咗啦，咁啊 亦都有一兩個係準備結業啦係啦，即係都係講緊個租約問題 咁啊捱埋個租約就諗住結業㗎啦，都係講緊呢一兩三個月㗎嘅事咯可即係 我都有問，我都有問翻啲客嘅，咁 可能佢咪一一個月，可能佢會 翻翻內地即係翻大陸，可能會翻兩三日咁佢 可能嚟我呢度，可能會嚟一日咁樣，但係以前唔係嘅 以前可能真係佢一個月可能嚟一兩次兩三次都唔出奇嘅 多咗人係真係翻屋企食飯 冇咁密出街食咯，即係 gathering 都少咗 係同啲 friend 出嚟食飯都少咗，冇以前咁密 真係有啲客傾翻，咁佢話佢自己 出街食飯係出少咗嘅 比起之前係出少咗嘅 因為佢話真係個環境係差，影響到佢嘅收入 所以佢出街食飯嘅次數都少咗 多謝咁多年嚟 所有嘅客人嘅一路嘅支持 我都知，尤其是我哋個 post 出咗之後 喺呢段期間咧，係真係好多好多 一直咁多年嚟支持我哋嘅客人 喺呢段時間咧，佢都真係又好有心 特登嚟捧我哋場 支持我哋去到最後呢一刻 多謝曬多謝咁多年嚟 所有支持過我哋嘅客人，多謝