2026年10月21日 10:08:19

今日我同大家介紹一個又簡單又有趣嘅科學小實驗 我哋會用紅色黃色同埋藍色呢三種顏色嘅冰 睇下當嗰啲冰慢慢溶解嘅時候 顏色會發生啲咩變化 呢個活動 最重要唔係叫小朋友記住答案 而係畀佢哋自己睇 自己摸 自己等 喺變化裏面 慢慢去發現答案 我哋需要準備嘅材料 包括冰架 清水 同埋紅黃藍 三種食用色素 家長可以預先整好三種顏色嘅冰 另外準備幾隻透明嘅杯 製冰呢一個步驟 可以由大人預先做好 但係真正做實驗嘅時候 就盡量畀小朋友自己攞 自己課 自己觀察 而家到咗最好玩嘅時候啦 我哋可以先唔畀小朋友知道嘅答案 問佢 你估下紅色同黃色放埋一齊 會變成咩色㗎啦 等啲冰慢慢溶 就會見到紅色加黃色 變成橙色 黃色加藍色 就會變成綠色 紅色加藍色 就會變成紫色 如果三種顏色放埋一齊 顏色就會越嚟越深 慢慢就會變成咖啡色啦 家長唔需要急住話畀佢聽嘅答案 畀佢自己睇個變化 印象反而係更加深刻㗎 呢個活動其實唔單止係學顏色㗎 小朋友摸到冰 會發現佢係凍嘅 硬嘅 滑嘅 等嗰啲冰溶咗 就會變成水 亦都會越嚟越細 呢啲 全部都係由小朋友 透過自己嘅感官 去發現嘅 Bontessori 最重視就係呢一點 就係小朋友唔係靠大人話畀佢聽嘅 而係透過自己嘅手 眼睛 同埋感覺 自己去認識呢個世界 呢個部分我哋要放慢少少啦 首先問小朋友 你估下等陣 會變成咩顏色㗎 然後我哋就等 因為冰 唔會即刻溶㗎 小朋友係要慢慢咁樣睇 佢會見到嗰啲冰塊越嚟越細 顏色一點點 咁樣流出嚟 背入面嘅水 亦都慢慢改變咗顏色 最後可以問佢 你頭先睇到啲咩呀 其實呢個過程 已經係開始培養緊 一種好重要嘅科學態度 先估一估 再觀察 最後自己發現結果 喺呢個活動裏面 孩子學會咗好多重要嘅能力 去提升觀察力 因為要留意細部嘅變化 佢會建立專注能力 因為 溶化嘅過程 係需要耐心嘅 佢哋 開始用科學嘅方式思考 去預測 觀察 同埋比較 同時 佢哋仲要用佢哋嘅語言 去描述顏色 同埋變化 呢啲 都係幼兒階段非常重要嘅能力