食唔食得樂第5集 隱世拉麵店? 每晚限量20碗! 伊禾白湯/麵屋天曉得 4K UHD Video

大家好,上一次和大家去完打邊爐,今次想和大家去食一樣我覺得臺灣都有好多鋪頭做得幾唔錯嘅,就係日式拉麵啦,我揀咗其中兩間我覺得幾正嘅,介紹比大家。 其實香港食味精拉麵都要六七十蚊一碗,而今次我揀呢兩間都係圍起七八十蚊港紙一碗,我覺得性價比絕對比香港高。 好,事不宜遲,即刻去片。 首先第一間我要介紹比大家嘅,係臺北信義區永吉路嘅麵屋天曉得。 個餐牌都有十幾款拉麵揀,算做幾多選擇啦。 另外仲有啲小食,望落啲嘢都幾好喎,入去睇下先。 一入去覺得條走廊都唔算窄都OK,另外佢勁多日本動漫嘅裝飾擺設,幾得意幾舒服喎個感覺。 真係好多以前睇過嘅卡通都有,最多好似係哥斯拉,應該係老闆最鍾意嘅卡通。 而個廚房都係一般常見日式拉麵店嘅開放式廚房,整體都幾企理。 好,坐低叫嘢食先,我哋叫咗一碗咖哩雞白湯拉麵,跟住嚟多碗極黑蒜團骨拉麵,再嚟一個芝士可樂餅同埋一個咖椰吐司,總共四樣嘢。 佢有兩款麵揀嘅,一款係中卷麵,就冇得免費加麵嘅,另外一款細麵呢,就每碗可以免費加一球。 另外佢哋仲有免費提供一款凍嘅清心蘋果茶,飲落幾清新解渴㗎。 好,飲咗杯茶,碗咖哩雞白湯拉麵就嚟咗啦,呢個湯頭好正,咖哩好鮮甜,啲雞肉超嫩滑,簡直一流。 而呢個細麵都唔錯嘅,算係幾彈牙,幾爽口嘅。 跟住嚟嘅就係呢碗極黑蒜團骨拉麵,呢個整體都唔錯,不過好似頭先嗰碗個湯頭就略勝一籌,而雞肉都比團肉好食啲喎我覺得。 而呢個中卷麵我個人都幾鍾意,我覺得係有比頭先個細麵好食少少,食落去個口感仲爽彈啲添。 唔夠飽,仲可以免費加多球細麵,食完麵再試埋呢個可樂餅,都算炸得唔錯。 最後食埋呢個甜椰椰嘅多士,個椰子味幾香,唔係淨係得煉奶嘅甜味,唔錯,好味。 好,搞掂就準備出發去第二間再食過啦,Hello 埋單唔該。 跟住同大家嚟嘅就係同樣係信義區嘅拉麵店伊和白湯,佢每日只係開兩個時段,每個時段只限量賣20碗麵,賣曬就無㗎啦。 擺鑊,我哋早咗9個字去排,但已經有好多人排緊啦,好彩最後啱啱排到第20個,不過其實我哋係兩個人嚟,就只有一個有得食啦。 因為座位有限,我哋又排最後,師傅就叫我哋6點半再返嚟就差唔多啦,咁我哋唯有周圍行一陣啦。 6點半返到嚟,等多咗兩個字左右,我終於可以入座啦。 入到嚟覺得空間感係比較細嘅,不過各方面嘅嘢,例如燈光擺設都尚算企理,合格嘅,無唔舒服嘅。 安排好哂啲嘢之後,就可以開始叫嘢食啦,不過因為我係排最後一碗,所以其實第一個牛骨湯已經賣曬㗎啦,咁我唯有叫雞白湯啦,再加一球麵。 咦,用D果肉嚟浸水,飲落真係飲到少少果香味㗎喎,幾得意,幾清新喎。 跟住就見到師傅開始煎個湯啦,然後佢仲會俾一杯仔你試下口味,睇下洗唔洗濃啲或者淡啲咁。 師傅喺度煮緊個湯嘅,同時另一邊又開始碌麵啦。 就我而家面前所見到嘅流程去睇,師傅佢應該大致上真係逐碗逐碗煮嘅,咁樣的確係比較可以控制到每一碗麵嘅高質素,不過咁樣做當然衰時會比較耐啦。 而且就係得佢一個人做,所以點解佢每個時段只限量做20碗呢?因為師傅嘅選擇係重質不重量。 個賣相都幾靚仔喎真係,個湯都非常之濃,非常之鮮甜,不過海鮮味有啲太搶,唔係好食得到雞湯嘅味道㗎。 而個日清杯芽細麵都幾好食,我都幾鍾意。跟住加嗰個麵,老闆仲好體貼,怕我已經食曬啲餸,仲俾咗幾嚿肉仔我添。 最後到個奶落,絕對有驚喜喎,奶味超香,超濃,好正喎呢個。 然後有一位客人食飽走咗,老闆見Jesse一個人係外面等我,佢就邀請埋Jesse入嚟坐,仲煮多咗碗麵請佢食,真係好貼心喎,真係要比個讚佢呀。 好,咁依家等我嚟做個總結啦,我哋可以分三個方面去做分析,就係環境,味道同埋服務啦。 首先我哋講講麵屋天曉得先,佢哋D座位都幾舒服,各方面都好企理乾淨,再加埋咁多日本動漫嘅擺設,的確係幾得意,所以我會比7分。 至於味道方面,佢所有嘢都係做得唔錯嘅,尤其係隔離雞白湯拉麵,更加講得上係出色,所以我會比7分。 再嚟就到服務啦,其實就無咩特別好同差,正正常常咁啦,不過個免費招待嘅青森蘋果茶都幾好飲,算係幾用心,所以我會比6分。 跟住就到醫和啦,首先佢個環境的確係有D細嘅,走廊座位都有D逼,但都尚算乾淨企理,而且當一個空間感有限嘅環境,再加上只係得老闆一個人,反而產生咗一D化學作用。 令到我有一種深夜食堂嘅親切感,所以我會比6分。 至於味道方面,雖然碗拉麵個海鮮雞白湯,我就唔係好食到個雞湯味,不過佢依然係一個好出色嘅海鮮湯嚟嘅,而且師傅真係逐碗逐碗依個人嘅口味整嘅,個湯頭嘅鮮味食得到係好真實嘅,再加上一個驚喜嘅奶酪,我會比7分。 最後到服務啦,首先加嗰個麵,有幾嚿肉仔俾我送麵,然後仲請Jessie食多碗麵,雖然只係一碗淨麵,唔係話值咩錢,不過老闆親自出門口邀請Jessie入嚟坐,再煮個熱辣辣嘅麵出嚟請佢食,加上我哋拍嗰日係有D凍嘅,感覺就更加溫暖啦,所以我係會比8分。 咁一一有新片就會通知你㗎啦,多謝曬大家嘅支持,我哋下次再見啦,拜拜!