自編自導自演廣播劇 - 試管人
7 次觀看·2024年1月21日
喜歡影片的話,請我飲杯咖啡
http://www.buymeacoffee.com/happyhappy
終於趕起稿了,坐到腰骨都僵硬了,真是要命。
咦,對面屋有人搬進去住。
個女仔都幾靚,長頭髮,瓜子臉,隔離嗰個阿爸,梗係佢阿爸啦。
兩個人搬咁多嘢,過去問下佢地使唔使幫手先。
對面個兩婦女真係怪嘅,搬咗嚟成個星期,除咗搬入去嗰日同佢地打過招呼之外,就未曾同佢地添過一次計啦。
個阿爸就一早出去,差唔多到深夜先至返嚟,而個女就成日都落喺間屋度。
偶然撞到佢出車房,打過招呼之後,佢就好似好驚咁返完屋啦,唔通我個樣真係咁低靈驚?
有人撳鐘喎,睇嚇。
黃先生,唔好意思呀,我啱啱用曬啲糖,唔知你可唔可以借啲俾我呢?
冇問題,你入嚟坐嚇先啦。
咁?
我個樣唔係真係好似壞人吖嘛。
唔係唔係,咁交交你啦黃先生。
叫我阿Dick啦,大家都係年青人,係啦,你有冇英文名㗎?
冇呀,爸爸叫我做小麗㗎。
咁我都叫你做小麗囉。
小麗呀,點解我成日都見你留喺間屋度,好少出街嘅?
爸爸話我乜嘢都唔識,叫我留返喺屋企度喎。
咁你唔使返學㗎咩?
我從來都冇返過學㗎。
嚇?你未返過學呀?
阿Dick,我趕住返去煮飯啦,你可唔可以而家借啲糖俾我呀?
我自己啲小說入面,成日就教人話,追女仔要膽大,心細,面皮厚。
估唔到喺現實嘅生活裡頭,真係要用到呢幾招。
記得喺小麗借完糖之後嘅幾日,就算喺門口撞到,亦都只係打下招呼。
雖然間佢已經唔至於話即刻返入屋裡頭,但係仍然係好有戒心。
好在經過我無比嘅信心同埋耐性,總算可以打破呢一層嘅隔膜。
而家佢有時候都會過嚟我屋企坐,佢最鍾意就係坐喺我張安樂椅嗰度,一邊食pancake,一邊睇我啲小說。
小麗呀,你做咩喊呀?
個女主角好慘喎,個男主角車禍死咗,淨返佢一個人咋。
傻女,小說為之嘛,使乜咁緊張喎。如果你鍾意,我下次寫一個大團圓結局嘅故仔呀。
真嘅?
個女主角就叫做小麗呀。
咁個男主角呢?
梗係叫阿Dick啦。
你攞人便宜嘅呀?
唔敢啦,唔敢啦。小麗呀,今日天氣咁好,不如我哋出去踩單車啦。
踩單車?
爸爸知道咗,要鬧我㗎。
乜你阿爸咁專制㗎?成日都唔畀你出街㗎?
佢話我咩都唔識,驚住我出事㗎。
你乜都唔識?你上次先至話畀我聽呀,穿梭機係太空運行嘅軌跡係點樣計法。
我話你簡直可以做科學家呀。
但係我出世之後無幾耐,就住喺呢度喇。叫我出街,我真係有啲驚呀。
小麗,你講乜呀?你本來都唔夠兩個月,點會話出世無幾耐就住喺呢度呢?
你仲會唔會同我做朋友呀?
你唔係人?咁唔通你係鬼呀?
你都係唔明㗎喇。
好啦,我哋出去踩單車啦,不過你要嫁我㗎喎。
冇問題。
有粒碎鑽石,真係好靚呀。
呢個心形嘅影像,就係代表我嘅心。
我希望你可以永遠咁帶住呢條頸鏈,等我哋嘅心可以永遠咁係埋你。
我答應你,無論我去到邊度,我都會帶住呢條頸鏈。就算我死咗,我亦都會帶住你。
你講埋曬啲咁嘅嘢喎,唔好喊啦。
嚟呀,我啱啱開始寫一部新嘅小說,俾你睇嚇。
電話又冇人聽,已經連續兩個禮拜搵唔到小麗啦。
本來兩個禮拜之前約好去BBQ,但係突然之間,小麗好似失咗鐘咁。
而家都成凌晨一點幾啦,冇理由佢兩父女都唔喺度㗎。
唔通小麗出咗事?
唉,大吉利事,唔會嘅。
就算有事,小麗咁清純可愛,上天都唔會有事。
唉,小麗咁清純可愛,上天都會保佑佢㗎。
咦,咁夜,邊個禁鐘呢?
啊,唔通係小麗?小…啊,細伯,入嚟坐呀。
好呀。
小麗佢…
小麗佢有封信俾你。
咁佢呢?
你先睇封信先啦。
媽媽,首先要同你講聲對不起。
本來答應咗你嗰日去BBQ,可惜我失約。
因為前一晚我突然間發高燒,爸爸即刻帶咗我返實驗室。
係咪好奇怪,點解係去實驗室而唔係去醫院呢?
記唔記得我以前問過你一個問題。
我話,如果我唔係人,你仲會唔會同我做朋友?
其實,我只係一個試管人。
到今日為止,我只係喺地球上生存咗一年零三個月。
佢哋加速咗我嘅生存代謝,令我喺兩個星期之內由一個BB女變成而家嘅樣。
而我嘅知識都係佢哋以特別嘅方法輸入我嘅腦細胞入面,
令我可以喺最短嘅時間之內獲得各方面嘅知識。
而負責呢個實驗嘅係我爸爸。
封信停咗一個禮拜冇寫。
對唔住,因為佢哋不停咁同我做實驗,
所以我退燒,可惜全部都冇效。
我知我嘅生命已經一點一滴咁離開,
因為我嘅消息已經非常之無力,
而雙手亦都無力。
啲字係咪寫得好難睇呢?
本來我想叫爸爸寫,
但係我又想親手寫咗一封信俾你。
對唔住阿Dick,
我諗我唔可以再寫落去,
因為我真係好攰。
不過我仍然帶住你送俾我嘅項鍊,
佢會永遠永遠都陪住我。
再見阿Dick,小麗。
小麗?
小麗尋日去已經死咗。
佢葬喺邊呀?我要去拜祭佢。
我哋已經用藥水溶化咗佢嘅身體,
佢同埋一條頸鏈一齊溶化。
乜話?你哋點解要咁做呀?
因為佢只俾一個試管人,
而呢個實驗已經決定停止,
我哋要殲滅曬一切有關試管人嘅嘢。
唔係,小麗係一個有血有肉嘅人,
佢係有感情㗎。
我何嘗唔係將佢當係親手去看待呢?
不過,一切已經過去啦。
小麗?
小麗!
喂,阿Dick,改變風格呀?
居然成科幻小說?
講一個試管人,
講一個作家嘅愛情故事,
都幾得意呀。
佢唔係故事,
佢係一個真人真事。
嚇?

