金門 閩南語 國中補充教材 讀寫金門 第二冊 第二課 烈嶼好𨑨迌

jen的金手學園
jen的金手學園
295粉絲
135 次觀看·2024年4月27日

第二課 烈嶼好𨑨迌
有誠濟人來金門𨑨迌，煞毋知影閣有小金門—烈嶼—真值得行；
這遮有袂少的人文佮生態特色，閣有足完整的車轍道1，騎跤踏車環島
上好勢。對水頭坐船到小金門，落船隨看著烈嶼的吉祥物「風雞」，
步輦幾分鐘仔到九宮坑道，遊客中心就佇邊仔，彼遐2有跤踏車通借。
借好跤踏車，騎一節起崎3，會看著「中華民國萬歲」的石柱𫞼佇路口，
石柱邊仔行入去就是環島路。
環島路是誠有戰備特色的車轍道，直直4行就會使踅烈嶼一囷5。
沿路風景據在6你去，你若對戰備設施有興趣，地雷展示館佮兩爿的勇
士堡、鐵漢堡，一定著去體驗覓；地雷館內底有地雷爆炸的音效，雄
雄聽著絕對會共你掣一趒7。若想欲體會戕蚵人的生活，雙口到上林8
的海墘有誠濟蚵埕；水洘的時陣，不時會看著幾个老大人，佇遐徙蚵
石抑是戕蚵、抾蚵。
你若愛大自然的神奇美景，青岐海墘一定著來行跤到9。每一年的三月到五月，
彼遐一條一條的石槽10佮海蝕溝，會有滸苔11生湠12，
湠到規片滇滿滿的時，就若𫝛仔逐條攏是用青青青的地毯，
共舒13甲足齊勻14咧。這美景予人號做「綠石槽」，誠濟遊客攏來翕相
閣分享到網路頂。
烈嶼的自然、人文佮生態景致，計齊有伊迷人的所在；跤踏車
踅烈嶼，隨時攏會用得停落來欣賞，享受無仝款的旅遊趣味。

Comments are disabled for this video.