（台語版）畫出來的龍，真的會飛嗎？【🌙 月亮睡著了】 #睡前故事 #成語故事 #張僧繇 #乾淨校園

你講 畫出來的物件敢有影會變做活的 足久足久以前啊 有一位皇帝號做梁武帝 伊定定數念遐的後生 因為伊共𪜶囝攏派去管理無仝的所在矣 攏無佇身軀邊矣 自按呢啊 伊就揣一位將軍過來 是按怎皇帝數念後生 欲揣將軍來咧 因為這位將軍啊毋但會拍戰閣足𠢕畫圖的 皇帝講 張僧繇啊 你去共我遐的皇子的款畫落來吧 張僧繇 就是這位將軍的名 接著皇帝的命令 伊就開始畫 聽候 伊共畫好的畫像 獻予皇帝 皇帝就變甲真歡喜 因為張僧繇畫甲實在傷像矣 看著畫像 皇帝就袂輸看著家己的囝仝款 因為張僧繇實在傷𠢕畫矣 所致皇帝就共鬥共佛寺畫圖 這層重要的代誌 交代予伊 因為按呢 伊四常會去無仝的寺院 有一間寺院附近有誠濟鳥仔 遮的鳥仔 逐工tsiáu-tsiáu叫 快樂咧開講 閣飛來飛去 四界𨑨迌 猶毋過廟寺內的和尚煞有寡煩惱矣 因為啊 鳥仔一濟 鳥屎滿四界 甚至閣會落到佛像面頂 彼佛像若予用垃圾 這就無好矣 欲按怎才好咧 逐家攏咧憂頭苦面時 張僧繇伊有法度 伊佇佛堂的壁堵頂 畫一隻兇猛的鴟鴞 伊畫的這隻鴟鴞當咧敧頭 目睭瞪著外口的鳥仔 結果你臆是按怎矣 本底蹛佇簾簷的鳥仔 齊攏驚甲毋敢閣近倚這間佛堂矣 因為這隻鴟鴞敢若真的矣 遮的鳥仔攏驚予鴟鴞掠走去 𪜶就毋敢閣近倚佛堂 按呢就無鳥屎落到佛像面頂矣 有一工 另外一間廟寺的和尚來拜訪張僧繇 欸 莫非這間寺院嘛有真濟鳥仔烏白放屎 來的和尚講 大師 阮寺院的壁堵規片空空 敢會當請你來畫幾幅圖 予阮寺院閣較莊嚴 嘛閣較媠咧 張僧繇歡喜咧允伊 等伊來到廟寺 伊心想 畫啥物好咧 張僧繇恬恬的 徛佇空空的壁堵前相相咧 伊親像是咧佮壁堵講細聲話仝款 一睏仔伊就提起畫筆 你臆伊欲畫啥物 伊欲畫龍 會飛的護法神龍 干焦看張僧繇的畫筆 敢若佇壁堵頂跳舞仝款 張僧繇畫出來的龍 有大大的鼻仔 閣有兩蕊大大的圓目睭 龍頭頂的兩支龍角誠顯目 一个囡仔兄誠歡喜 講 哇 你看彼尾龍的龍鬚 敢若有影咧飄呢 紲落去 張僧繇閣開始畫 當咧搖來搖去的龍的身軀 一个查某囡仔手指著畫像講 你看龍身軀頂的鱗 一片一片的閃閃爍爍 敢若真的 邊仔一位和尚嘛擋袂牢矣 伊講 恁看龍的爪仔 足有氣力的款 感覺不管時攏會掠破壁堵 飛出來仝款 張僧繇畫有一尾龍 兩尾 三尾 到尾有四尾龍 活跳跳的出現佇壁堵面頂 逐家攏誠讚嘆 講 遮的龍畫甲實在敢若真的矣 這時雄雄有人講 欸 這龍是按怎無目睭咧 逐家詳細共看 這四尾龍 竟然有影攏無目睭 一位老人擋袂牢共問 張大師 按怎無共龍畫目睭咧 敢說共龍畫目睭真困難 張僧繇幌頭講 共龍畫目睭並無為難 只是 若我共龍畫目睭起去 𪜶就會飛走矣 啊 敢真的 畫目睭起去龍就會飛走矣 自按呢逐家紛紛央伊共龍畫目睭起去 張僧繇實在無法度閣推矣 只好允矣 干焦看伊提起畫筆 佇一尾龍的目睭頂 點一下 無啥物動靜 紲落去 伊閣佇另外一蕊目睭頂嘛 點一下 哇 神奇的代誌發生矣 彼尾龍的目睭金鑠鑠 像活過來矣仝款 這時 天頂雷聲霆閣有爍爁 這尾龍竟然就飛離開壁堵 伊幌頭搖尾直直飛上天頂 一下仔就消失佇雲裡 無去矣 逐家攏驚甲愣去 賰的無畫目睭起去的龍咧 𪜶攏閣恬恬的留佇壁堵頂 所致啊 尾仔就有這句諺語 畫龍點睛 比論人咧畫圖或者是寫文章的時 佇上重要的所在加一筆 予作品閣較生動傳神 無是按怎畫出來的龍 煞有影會飛咧 有人講 因為張僧繇是真正相信神佛的人 所致神佛就展現神蹟 予張僧繇畫出神奇的作品 畫龍點睛的故事講煞 雷聲恬去矣 壁堵頂的龍攏足恬靜 廟寺內的鳥仔攏無tsiáu-tsiáu叫矣 𪜶攏睏矣 月娘嘛睏矣