శ్రీ వన మహాలక్ష్మి ఆలయ రత్న కప్పు ప్రతిష్ఠ

*శ్రీ వన మహాలక్ష్మిదేవి ఆలయ నిర్మాణంలో కీలక ఘట్టం*
శ్రీ వన మహాలక్ష్మిదేవి ఆలయ నిర్మాణ దాతలకు మరియు అన్ని గ్రామాల ప్రజలకు ముఖ్య విజ్ఞప్తి.....
రేపు అనగా శుక్రవారం నాడు ఉదయం 9 గంటల నుంచి మద్యాహ్నం 12 గంటల మధ్యలో ఆలయ నిర్మాణంలో కీలక ఘట్టం అయిన ఆలయ గోపురం యొక్క రత్నకప్పు వేయడానికి పండితులు మరియు పెద్దలు నిర్ణయించారు. కావున ఈ కార్యక్రమంలో అందరూ పాల్గొని ఆ సమయంలో రాగి రేకు పైన మీ కుటుంబ సభ్యుల పేర్లు మరియు గోత్రము రాసి సిద్ద పరచగలరని మనవి. ఈ రాగి రేకు ఆలయ గోపురంపై రత్నకప్పులో శాశ్వతంగా ఉండే అవకాశం ఉన్నందున ఈ మహాద్భుతమైన అవకాశాన్ని భక్తులు అందరూ వినియోగించుకోవాలని విజ్ఞప్తి.
రత్నకప్పు నుండి ఆలయ గర్భంలోకి జారవిడుచుటకు భక్తులు అందరూ ధాన్యం తప్పనిసరిగా తీసుకుని రాగలరని ప్రార్థిస్తున్నాం. అలాగే నవధాన్యాలు మరియు వంటకాలు కూడా రత్నకప్పు నుండి జారవిడిచిపెట్టడం జరుగుతుందని తెలియపరుస్తున్నాము.
ఈ అద్భుతమైన కార్యక్రమంలో ప్రతీ ఒక్కరూ భాగస్వామ్యం అయి లక్ష్మీదేవి కరుణా కటాక్షం పొందగలరని ఆహ్వానిస్తున్నాము.
దీనినే వ్యక్తిగత ఆహ్వానంగా భావించాలని విజ్ఞప్తి.
ఇట్లు
ఆలయ కమిటీ సభ్యులు
గ్రామస్థులు
గూనబద్ర R&R కాలనీ.