點樣（點解）觀察自己嘅思維？ | 柯復恒

有網友問，點樣觀察自己嘅思維？

佢有做緊，但又唔知自己做得啱唔啱，例如：個腦諗緊嘢，有時會突然跳出來，知道自己有諗野的諗頭，不斷跳出跳入，咁算唔算觀察自己思維？

佢又問，其實用《當下的力量》裡的方法真的可以臨在？還是需要別人教導才可做到？

簡單答：唔算。

「個腦諗緊嘢，有時會突然跳出來，知道自己有諗野的諗頭」，換個講法，就係發緊白日夢，然後突然意識到自己剛才正在發白日夢。

呢種現象，西方叫做 Altered State of Consciousness，一般譯作「意識轉換狀態」。呢種意識狀態非常普通，普通到普通人一日之中會進行多次呢種「出入」，而催眠同 NLP 等技術，就係借用呢種狀態嘅切換，來（例如）調整情緒、消除恐懼、加強專注力。

問題正正就係，大腦冇經過訓練，你係唔會知道自己幾時跳出、幾時跳入，所以就講唔上「有意識」地觀察了。身心靈界別一般都教透過禪定、打坐、冥想來靜心，繼而觀察自己的思緒，並練習不陷進思緒。不過坦白講，唔係好見效。如果你喜好用呢種方法，建議你睇阿廸亞香提嘅《真正的靜心》（預告時間：已錄好有聲書）。Jed McKenna 的「靈性自體解析」應該亦源於佢（又係預告時間：Jed McKenna 系列打算錄）。

我自己則會用催眠和 NLP 常用嘅「抽離」法。籠統講就係想像自己從自己抽出來，然後觀察自己嘅思想、語言、行動。一切都喺腦內進行，咁反而會更「有意識」地觀察到自己。不過呢個都只係第一步，成功後，就要喺抽離出來的位置，「有意識」咁問望住嗰個自己所思、所想、所做嘅有乜意思。

自問自答係好難，所以我都諗緊好唔好錄啲催眠手稿，協助有需要嘅人進入相關狀態。

另外仲有一個更先嘅問題，點解你想要觀察自己嘅思維？

呢段錄音就係想講清楚呢個問題。
========
如果覺得啱聽，冀望能得到你嘅贊助，以製作更多廣東話有聲書~
書本及喉糖贊助處👇🏼👇🏼👇🏼
https://www.buymeacoffee.com/o1fuk6hang4 　

Patreon 贊助（含 Podcast 收聽及有聲書足本下載）：
https://patreon.com/o1fuk6hang4

誠意邀請你加入成為會員，靜心聆聽足本有聲書及感悟、知識分享：
https://www.youtube.com/channel/UCQVvk8mA1GLIPfSFWb-3GXw/join