《勳章刻記》時代巨浪下，最刻骨銘心的愛與痛

【新歌預告】《勳章刻記》—— 時代巨浪下，最刻骨銘心的愛與痛
「如果放手係唯一保護你嘅方法，我寧願做最殘忍嗰個。」

2019年之後，我哋嘅世界徹底變咗樣。
呢首歌，係源自一對香港夫妻嘅真實感受與經歷。

當他好不容易等到「放學」——終於走出鐵窗、重獲自由，以為可以重過新生活，迎接他嘅，卻係一個更加面目全非、充斥著不公不義嘅社會。

現實並無因為他「放學」而手下留情，反而無情地將一切奪走：因為過去嘅經歷，他失去咗所有、失去工作、失去收入，甚至連自己引以為傲嘅專業領域都一併失去。重返社會，卻每天被揮之不去的恐懼與陰影沉重地籠罩著。

他最驚嘅，唔係自己再次失去自由，而係驚自己最心愛嘅女人會因為自己而受到權力嘅牽連同侵犯。
為咗守護她嘅安全，他用盡一切辦法、甚至講盡最狠毒、最傷人嘅說話，忍痛將自己最心愛嘅女人趕走。

面對離別與傷害，她（妻子）無奈、憤恨、痛苦。但懷著忐忑不安嘅心情，在心碎嘅邊緣，她選擇咗唔向命運低頭。她咬緊牙關，努力在殘破嘅現實中重建自己，堅強地活下去。

身心上的傷痕、鐵窗嘅洗禮，係歲月留低嘅刻記，亦係彼此守護至死不渝嘅「勳章」。

【衷心祝福】
願有一天，這場長夜惡夢嘅根源徹底消散。
願受過苦難、散落四周嘅靈魂，終能跨越黑暗，再次相聚。
執子之手，白頭到老。