美伊談判突取消!萬斯推遲日內瓦行;英相面臨下台危機;古巴批准176項改革 主持人:林茵 紫珊【今日點睇】

聚焦香港
2685粉絲
3 次觀看·2026年6月19日 #美伊談判
內容提要:
萬斯推遲日內瓦行 瑞士證實美伊取消會談
「北方之王」貝安德重返國會 挑戰英相大位
應對美國壓力 古巴批准176項經濟改革方案
#美伊談判 突取消!#萬斯 推遲日內瓦行;#英相 面臨下台危機。
視頻概述
AI 生成本集節目深入分析了三項重大國際局勢:美伊停火談判的波折與核心分歧、英國工黨內部的權力鬥爭以及古巴史無前例的經濟改革。
大家好,歡迎收看今日點睇。
今日係美東時間6月19號,禮拜五。
我係林欣,各位觀眾同聽眾,
如果你仲未訂閱我哋,記得撳開旁邊嘅鐘仔訂閱我哋啦。
各位觀眾聽眾好呀,我係紫珊。
請繼續留言畀我哋,話畀我哋聽,你哋點睇。
我哋呢個節目今日點睇,
今日我哋要關注嘅係美國同伊朗之間最新出現嘅變化。
咁原本外界都以為美伊雙方啱啱簽署咗延長停火60日嘅諒解備忘錄啦。
咁中東局勢終於可以朝住和平嘅方向邁進一步啦。
但係冇諗到原定今日喺瑞士日內瓦舉行嘅呢個重要和平談判,
突然宣佈咗取消喎。
嗯,係啦,咁最令人關注嘅就係,
美國副總統曼斯原本就已經準備去瑞士嘅,
但臨時就推遲行程,
咁而伊朗方面亦開始釋放出比較強硬嘅信號啦。
咁究竟呢個只係技術安排上嘅延誤,
定係雙方其實已經喺核心問題上出現咗重大嘅分歧呢?
咁今日我哋就嚟深入分析,
美伊停火嘅協議究竟係咪能夠落實呢?
三千億美金重建基金,
背後又隱藏住啲咩政治算盤?
而以色列又點解喺呢個時候公開同美國唱反調呢?
紫珊,咁首先我哋嚟睇下呢個談判突然取消,
好多媒體都形容呢個係停火協議遇到嘅第一個重大考驗,
咁你係點睇嘅呢?
係呀林欣,我認為呢次談判取消本身已經反映出一個現實,
咁嗰個就係美伊雙方雖然簽署咗停火嘅備忘錄,
但實際上距離真正達成和平協議仲非常遙遠。
因為從白宮嘅表態嚟睇,
佢哋一直強調嘅就係後勤安排問題,
技術性談判尚未最終確定,
但如果真係單純嘅行程問題,
咁美國副總統曼斯根本就唔需要臨時取消出訪。
咁值得注意嘅就係伊朗官方媒體喺同一時間釋放咗一個信號,
就係佢哋要先睇下美國履行協議嘅實際行動,
先至願意繼續推進談判。
咁換句話講雙方依家已經係進入咗互相觀察互相試探嘅階段,
美國希望伊朗先展現出誠意,
而伊朗又要求美國先攞出制裁解除同資產解凍嘅一個具體措施,
咁呢種互不信任其實先係談判延後嘅真正原因,
咁亦即係話停火協議簽咗唔代表問題解決,
而係代表真正艱難嘅部分先係啱啱開始。
完全正確,其實呢份備忘錄只係搭建一個框架,
而框架裏面最關嘅問題就包括核計劃、高濃縮鈾、
導彈限制、經濟制裁等等,
全部都未有最終答案,咁而家雙方只係同意坐低嚟傾,
但能唔能夠傾成係另一回事。
講到核心問題,外界最關注嘅當然仲係伊朗嘅核問題,
咁呢次協議入面提到話伊朗同意接受國際原子能機構檢查,
亦願意將高濃縮鈾進行稀釋處理,表面睇起身讓步好大,
但同時伊朗又拒絕將核材料運出境外,
咁紫珊呢個係咪就意味住雙方最大嘅矛盾根本無解決到?
無錯,而且呢個正係未來談判最危險嘅部分,
美國嘅立場其實好清楚,
就係希望伊朗永遠失去製造核武器嘅能力,
不過伊朗嘅立場就係,
我可以唔製造核武器,但我唔接受你將我所有嘅能力全部攞走喎,
所以呢我哋睇到呢次協議出現一個嘅折衝方案,
伊朗同意稀釋高濃縮鈾,但係就拒絕將鈾運到第三國保管。
咁呢個意味住呢伊朗仍然保留相當程度嘅核技術能力,
而對於美國鷹派以及以色列嚟講呢,呢個係冇辦法完全接受嘅,
因為佢哋擔心一旦未來局勢變化呢,
伊朗仍然有能力快速恢復核計劃嘅,
咁所以呢未來60日嘅技術談判期間呢,
圍繞呢個核材料係點樣處理嘅呢個問題呀,
肯定會爆發最激烈嘅攻防戰。
嗯,仲有另一個令人呢,好多人都震驚嘅呢,
就係協議裏面提出嘅3000億美元重建同埋發展基金喎,
咁呢個數字相當龐大嘅,甚至超過唔少國家嘅年度GDP嘅,
咁好多美國議員亦開始質疑,咁呢筆錢究竟係邊度出嚟㗎?
咁呢個亦係依家美國國內爭議最大嘅地方啦,
咁按照白宮嘅講法呀,呢筆基金並唔係由美國政府直接出資嘅,
而係嚟自中東資本呀,咁歐洲資本呢,
以及跨國企業組成嘅呢個投資基金,
咁但問題就在於呀,如果伊朗未來嘅政治風險再次升高呢,
私人資本真嘅係咪願意投入咁大嘅資金呢?
好多人其實係存疑嘅態度㗎。
嗯,仲有啦,呢筆基金背後代表川普政府嘅一種新思維,
就係同佢嘅,就係同佢透過軍事手段改變伊朗,
不如透過經濟利益改變伊朗啦,
令伊朗重新融入國際能源市場,令伊朗獲得經濟增長,
藉此呢就減低佢對抗西方嘅動機,
咁呢個其實係一種典型嘅經濟緩和平模式喎,
但歷史證明呢種模式能唔能夠成功,
往往都取決雙方係咪真正建立信任㗎。
不過好有意思嘅係,伊朗最高領袖穆潔塔巴呢,
就對呢個協議嘅解讀係非常強硬嘅,
甚至話呢川普係因為絕望先簽署協議嘅,
咁既然係咁,伊朗點解仲願意簽字呢?
因為伊朗呢而家其實面臨兩個完全唔同嘅現實嘅,
第一個現實就係經濟壓力啦,長期嘅制裁,
同埋戰爭消耗加埋呢個能源出口限制,
都令伊朗經濟非常困難嘅,
因為咁伊朗確實係需要解除制裁,
咁第二個現實就真係政治嘅面子啦,
伊朗領導層呢唔能夠比國內嘅支持者覺得自己向美國低頭㗎嘛,
所以佢哋就必須喺國內維持住呢個強硬形象啦。
咁呢個呢就形成咗一個非常有趣嘅局面啦,
對外需要合作,對內呢又必須強硬,
咁所以未來呢我哋可能會睇到類似情況會反覆出現嘅,
一方面呢繼續談判,
另一方面又不斷發表強硬言論,
呢個其實係伊朗政治操作嘅一部分啦。
嗯,仲有呢最後我哋仲要傾下以色列喎,
因為呢一次最令人意外呢可能唔係美伊之間嘅矛盾呀,
而係美國同以色列之間出現咗分歧,
以色列不單止繼續空襲真主黨,
甚至仲發佈可能擴大佔領區嘅新地圖,
呢個係咪代表川普政府面臨新嘅外交挑戰呢?
我認為係嘅,
咁甚至可以話呢未來最大嘅變數可能唔係德克蘭,
而係喺耶路撒冷呀,
咁因為對以色列嚟講呢,
伊朗核能力呢同真主黨嘅武裝一直都被視為係生存嘅威脅呀,
咁所以即使美國願意接受呢個折衝嘅方案,
以色列呢都未必願意嘅,
咁呢個亦就係點解外界開始形容,
呢個係美國同以色列幾十年嚟最明顯嘅一次戰略分歧。
咁如果以色列繼續喺黎巴嫩擴大軍事行動,
咁就可能破壞整個停火框架,
咁而一旦黎巴嫩戰線重新升溫,
咁美伊之間建立起嘅脆弱互信亦可能迅速崩潰啦,
咁因為咁未來60日呢唔止係美國同伊朗嘅談判喎,
咁實際上美國仲需要說服自己嘅盟友接受新嘅中東秩序呀。
從今日嘅局勢嚟睇呢美伊和平談判雖然冇正式破裂,
但顯然呢已經進入咗最關鍵最敏感嘅階段啦,
核問題、導彈問題、制裁解除、重建基金同埋以色列嘅因素,
每一項都可能成為未來談判嘅人爆點。
冇錯呀,而家最大嘅問題唔係雙方願唔願意傾,
而係願意退讓幾多呢?
未來60日係將成為決定中東局勢走向嘅重要窗口期,
咁如果談判成功,中東或者有機會迎接多年來最重要嘅和平契機,
如果談判失敗,咁衝突重新升級嘅風險依然存在。
你認為美伊呢次能唔能夠真正達成長久和平呢?
咁以色列會唔會成為最大嘅阻礙?
歡迎大家喺留言區分享你哋嘅睇法。
關注國際局勢嘅同時,我哋亦都唔好忘記關心自己同家人嘅健康。
咁我哋一直同大家介紹嘅三高代謝寶,係用純天然漢方草本,幫身體嘅代謝系統重新開機。
講到數據改善,美國吉州Wynn先生嘅太太服用咗之後,就有咗非常具體嘅變化。
我哋嚟聽嚇佢係點講嘅。
有具體嘅數字,又睇得到變化。
咁呢個先係真正值得信賴嘅產品。
啱好呢個父親節要嚟啦。
咁呢款熱銷嘅代謝寶呢,喺你埋單嘅時候呢,只要輸入主播專屬折扣碼109,就能夠享受九折優惠㗎啦。
咁另外再提醒大家,我哋推薦嘅潤眼寶呢,你輸入同一個折扣碼109,亦都可以同步享有九折嘅。
咁經常對住電腦嘅朋友,不妨就兩款都一齊帶走啦。
咁條例三高呀,認準健康520嘅三高代謝寶。
近年嚟呢英國政壇可謂係風雲變幻呀,
從保守黨執政時期頻繁換上呢,到工黨重返執政之後,又陷入內部危機。
咁令唔少嘅英國民眾呀感到好疲倦呀。
咁就係今日啦,一場原本被視為地方性嘅國會補選呢,
就意外成為咗震動成個英國政治版圖嘅大事件呀。
嗯係呀,英國曼徹斯特市長呢,
伯納姆,以壓倒性嘅優勢呢就重返國會喎。
不單止被外界認為係工黨未來最有可能接班嘅人選呀,
更被視為可能挑戰現任首相斯紀賢地位嘅重要人物呀。
究竟呢個伯納姆係何方神聖呢?
咁點解一場補選會引發全國關注呢?
斯紀賢嘅執政危機到底有幾嚴重?
工黨係咪將面臨一場領導大選呢?
紫珊呀,咁點解呢場睇起嚟咁普通嘅補選呢,
會被英國媒體形容成可能改變未來首相人選嘅重要轉折點呢?
咁呢場補選之所以重要呀,
關鍵就唔係喺呢個增加咗一個工黨議席嘅,
而係在於呢個伯納姆本人啦。
咁如果大家關注英國政治呢,對伯納姆其實係唔會陌生嘅。
佢過去呢擔任過內閣大臣,
亦曾經多次呢競逐呢個工黨黨魁嘅。
後嚟呢出任大曼切斯特市長之後呢,
因為積極爭取地方權益啦,
尤其係喺疫情期間呀,
佢好大膽咁公開向中央政府施壓,
同替呢個北部地區呢爭取咗更多嘅資源,
所以累積咗好高嘅人氣呀。
英國媒體呢甚至就畀咗個好響亮嘅稱號佢喎,
就叫做北方之王啦。
咁呢個稱號背後反映嘅係一種政治現象。
咁以前幾十年呢,
英國政治同經濟資源高度集中喺倫敦㗎,
咁好多北部地區長期呢就感覺被忽視,
而伯納姆呢正係代表呢啲地區發聲嘅人。
咁因為咁呢次補選勝利呢,
不單止係個人勝利喎,
而係向工黨內部傳達一個信息,
如果黨中央無法解決民生問題啦,
或者需要新嘅領導人帶領工黨前進呀。
而且佢呢次得票率超過咗五成呀,
仲大幅領先改革黨候選人九千幾票喎,
係咪可以理解成呢,
唔止係工黨支持者鍾意佢呀,
又係一啲原本可能轉向改革黨嘅選民入面呢,
亦都具備相當嘅吸引力㗎。
無錯呀,呢個正係柏納姆最可怕嘅地方呀,
因為而家工黨最大嘅擔憂呢,
就係大量基層選民正喺度流向改革黨喎,
咁改革黨近年利用移民問題啦,
生活成本問題同埋呢個民眾對傳統政黨嘅不滿,
好快呢就崛起啦。
咁好多分析認為啦,
如果工黨繼續失去工人階級同埋中低收入選民嘅支持啦,
咁未來選舉呢就將面臨巨大挑戰㗎。
咁柏納姆呢一次就成功守住呢啲選票,
咁證明佢呢有能力將原本可能流失嘅選民重新吸引返嚟呀,
咁呢個正係好多工黨議員希望睇到㗎。
講到工黨依家嘅困境呀,
我哋可以睇到呢首相施紀賢嘅處境似乎非常艱難呀,
咁根據報導呢佢嘅支持率已經跌到執政以嚟嘅最低點,
咁甚至呢有四分之一嘅工黨議員呢公開要求佢落臺呀。
紫珊呀,呢個施紀賢唔係先喺2024年帶領工黨大勝嘅咩?
點解短短兩年時間呢個形勢會惡化得咁快呢?
原因呢其實好現實嘅,
就係選民對生活嘅感受並無改善。
咁當年工黨上臺嘅時候呢,
好多人期待能夠解決幾個核心問題嘅,
包括呢個經濟停滯啦、醫療系統嘅壓力、
住屋危機啦同埋生活成本上升。
咁但係呢兩年過去啦,
英國經濟增長仍然疲弱,
咁國民保健署等待時間依然好長。
咁地方政府財政問題持續惡化,
普通家庭嘅能源、食品同埋房屋開支壓力仍然存在,
於是好多選民開始就產生失望情緒啦。
更弊嘅就係工黨內部唔少人認為,
施紀賢過於保守,缺乏鮮明嘅願景。
咁就好似前衛生大臣斯特里廷所批評咁樣,
喺需要遠見嘅地方卻只能夠睇到真空。
咁呢句話其實代表咗唔少工黨人士嘅心聲啦。
換句話講呢問題唔單止係政策成效,
而係好多人開始質疑施紀賢係咪具備足夠嘅領導魅力呀?
完全正確呀,喺經濟困難嘅時期,
選民往往就願意畀政府時間㗎,
但係前提係佢哋要相信領導人清楚未來嘅方向㗎嘛。
咁而家好多人對施紀賢最大嘅批評呢,
就係唔知道佢嘅長遠願景到底係乜喎,
但係白納姆啱啱就相反,
佢非常善於講故事,都做願景、凝聚支持者,
呢個亦係兩人最大嘅差別呀。
咁而家外界最關心嘅就係白納姆會唔會成正式咁挑戰施紀賢呀?
咁根據工黨黨規,只要取得81名嘅國會議員支持,
就能夠發動領導權挑戰呀。
咁你認為呢場黨內大戰係咪真嘅要嚟呢?
我認為風險確實係非常高㗎,
因為而家唔少工黨議員最擔心嘅唔係施紀賢落臺喎,
而係如果繼續由佢領導,可能輸埋一次大選添呀。
咁政治人物最終考慮嘅仲係選票呀嘛。
如果大家相信換人可以提升勝算嘅機會,
咁要求更換領袖嘅聲音就會越嚟越大啦。
咁而家白納姆陣營呢其實相當謹慎嘅,
佢哋冇立即發動逼宮呀,
而係希望施紀賢主動安排一個有序交接,
咁樣呢可以避免黨內公開撕裂呀。
但如果施紀賢拒絕配合嘅話呢,
雙方最終可能走向正式攤牌嘅。
喺七月中旬國會休會之前呢,
可能就係關鍵嘅時間窗口啦,
亦即係話呢接落嚟嘅幾個禮拜,
工黨內部嘅政治角力可能比反對黨重要精彩㗎。
可以咁講呀,因為而家真正威脅施紀賢地位嘅呢,
唔係保守黨呀,而係自己黨內嘅人呀。
咁假如白納姆真係成功挑戰施紀賢,
甚至未來入主唐寧街,
咁英國嘅政策方向會有咩唔同呢?
首先佢會更重視地方發展啦,
白納姆長期主張權力下放呀,
希望地方政府擁有更多嘅財政同埋政策自主權。
咁其次呢佢比較支持公共服務國有化,
例如交通系統啦,公用事業等等領域呀,
不過值得注意嘅係,佢並唔係傳統意義上嘅激進左派。
因為喺呢次競選期間,佢亦不斷向金融市場保證,
未來仍會遵守財政紀律,
呢個顯示佢希望喺改革同市場信心之間取得平衡。
因為咁,如果佢未來真嘅成為首相,
我哋可能睇到一種結合社會、民主同財政穩健嘅新路線㗎。
咁英國喺十幾年嚟迎嚟咗第七位首相啦,
係咪亦反映出成個政治體系正面臨某種深層嘅危機呢?
我認為確實都係咁㗎,
但係因為呢頻繁換首相本身就代表選民對現有政治精英缺乏信任呀,
無論係保守黨定係工黨,
而家都面臨同一個問題,
民眾唔再滿足於管理現狀啦,
而係希望睇到真正改變,
而邊個能夠提出可信嘅改革方案,
邊個就有機會成為下一個時代嘅領導人啦。
從今日嘅局勢嚟睇,
百納姆嘅勝利已經唔再只係一次補選結果啦,
而可能成為英國工黨重新洗牌嘅開始。
施紀賢雖然表示會奮戰到底,
但黨內要求改革和換將嘅聲音正在加速增加。
咁未來幾個星期將係決定工黨命運嘅重要時刻,
如果雙方能夠順利完成權力交接,
工黨或者仲有機會重新凝聚支持者,
不過如果陷入長期內鬥,
不但會削弱執政能力,
亦可能給改革黨和反對勢力創造機會。
咁英國政壇係咪即將迎嚟新一輪嘅地震呢?
咁百納姆又係咪能夠從北方之王變成下一任首相呢?
你認為施紀賢應該繼續領導工黨,
定係應該交棒比百納姆呢?
我哋將持續為大家關注嘅,
亦歡迎大家喺留言區話畀我哋知。
提到古巴,相信好多觀眾嘅腦入面浮現嘅第一印象,
可能係雪茄,老爺車,共產主義,
同埋長達六十幾年嘅美國制裁。
咁自從1959年卡斯特羅革命成功以嚟,
古巴一直係世界上最具代表性嘅社會主義國家之一。
咁長期以嚟古巴幾乎所有嘅重要產業,
都係由國家掌控,
土地、銀行、能源、交通等等關鍵領域,
都受到政府嚴格控制。
而就喺呢個禮拜,古巴國會突然通過超過176項重大經濟改革措施,
內容涵蓋銀行、房地產、企業經營、外資投資,
甚至係國有資產嘅出售。
咁好多國際媒體就形容話,
呢個係古巴革命以嚟最大規模嘅經濟改革,
有評論甚至認為呢個係古巴版嘅改革開放。
咁問題就嚟啦,古巴究竟發生咗咩事呢?
點解一向堅持社會主義道路嘅古巴,
突然願意引入市場經濟,引入市場機制呢?
呢個係咪代表古巴經濟模式已經走到無辦法唔改變嘅時刻呢?
咁呢次改革究竟有幾重要?
點解外界會咁關注?
林欣呀,我認為呢次改革嘅重要程度,
係咪可以同中國1978年嘅改革開放相提並論呢?
因為過去60幾年嚟,古巴嘅經濟體系,
一直建立喺高度國有化基礎之上。
咁從銀行到土地,從大型企業到好多商業活動,
基本都掌握喺政府嘅手上。
但呢次改革最令人震驚嘅地方,
就係喺古巴政府第一次正式允許私營銀行進入金融體系,
允許私人嘅房地產開發,
亦允許國有企業股份化改造。
咁更重要嘅係,政府甚至願意出售部分國有資產
畀私人、外資和海外嘅古巴人。
對於長期奉行國家控制經濟嘅呢個古巴嚟講,
呢個係一個歷史性嘅轉變嚟㗎。
換句話講,古巴已經開始承認一個事實,
單純依靠國家計劃經濟,已經難以支撐國家嘅發展需求。
亦即係話呢次改革唔單止係調整政策,
而係某種程度上改變咗過去幾十年嘅經濟思維。
完全正確!
如果放喺以前,好多嘅呢次改革內容,
甚至會被視為資本主義措施。
例如私人銀行、私人房地產開發、多間企業、經營權等等。
呢啲以前喺古巴都係非常敏感嘅話題。
而家官方主動推動,咁就說明現實壓力,
已經令到古巴重新思考未來發展嘅道路。
咁古巴政府長期以嚟都將呢個經濟困境歸咎於美國制裁。
咁呢次改革公告入面,亦多次提到咗美國近年加強制裁同埋石油封鎖。
咁子珊,古巴今日嘅困境究竟係美國造成嘅呢?
定係自身制度出咗問題呢?
我認為答案係兩者都有㗎!
美國制裁確實對古巴造成巨大打擊㗎!
尤其今年初嘅石油封鎖措施,
令到古巴嘅燃料供應進一步惡化。
咁好多地區出現長時間停電,
工廠又冇辦法正常運作,
咁物流運輸又受到影響,
咁旅遊業復甦都受到拖累。
咁呢啲都係真實存在嘅問題。
不過,如果將所有責任都推比美國,
亦冇辦法完全解釋古巴今日嘅困境㗎。
因為古巴國家主席迪亞斯卡內爾
呢一次已經罕見承認,
問題唔只係外部壓力,
佢提到咗官僚主義、行政效率低,
同埋繁瑣嘅法規,
以及多年拖延嘅決策,
呢啲其實等於公開承認,
古巴自己體制存在深層問題㗎。
咁好多經濟學家認為,
即使冇美國制裁,
過度集中嘅國有經濟模式都會導致資源錯配,
生產效率低落,
同埋缺乏創新動力。
咁所以今日古巴面臨嘅係外部壓力,
同埋內部結構問題嘅雙重夾擊。
亦即係話美國制裁就好似係一場暴風雨,
但如果間屋本身已經出現咗裂痕,
咁呢個風雨來臨嘅時候,
傷害就會更加嚴重啦。
無錯,呢個比喻其實非常貼切,
咁呢次最引人注目嘅地方,
就係古巴領導人公開提到中國同越南模式,
咁好多人一聽到呢句話,
就聯想到鄧小平改革開放,
你認為古巴係咪正喺度複製中國同越南嘅發展路線呢?
從方向上嚟睇非常相似,
咁中國改革開放有一句著名嘅口號,
就係唔理係黑貓定係白貓,
捉到老鼠就係好貓,
咁意思就係先發展經濟,
再討論意識形態,
咁越南後嚟推行咗呢個革新改革新開放政策,
咁其實亦係類似嘅思路,
保持共產黨執政地位不變,
但呢個逐步引入市場經濟,
吸引外資,
發展私營企業,
提升呢個生產效率,
咁而家古巴亦開始採取呢啲相似嘅做法,
一方面強調唔放棄社會主義,
另一方面又大幅增加市場機制,
咁呢個其實就係所謂嘅社會主義市場經濟。
不過問題係,
今日嘅世界環境同中國當年已經完全唔同,
中國改革開放嘅時候,
啱啱就遇到全球化快速發展,
西方企業大量就進入中國投資,
而今日古巴仍然面對美國制裁,
資金來源有限,
咁人口規模亦遠細於呢個中國嘅,
咁因為咁即使方向相似,
結果未必能夠完全複製中國奇蹟嘅。
咁接落嚟最重要嘅問題嚟啦,
古巴今次改革力度咁大呀,
係咪真嘅有機會扭轉依家嘅經濟危機呢?
我認為短期內效果真係有限呀,
不過長期就可能帶嚟改變㗎,
原因好簡單,
任何經濟改革都需要時間,
即使中國改革開放呀,
亦唔係一兩年就睇到成果㗎,
而古巴目前面對嘅問題非常複雜㗎,
包括能源短缺呀、外匯不足、
基礎設施老化、人口外流、
投資信心又不足,
咁呢個都唔係靠幾項政策就能夠立即解決㗎。
不過改革至少釋放出一個重要信號呀,
就係古巴政府願意麪對現實,
願意承認市場機制嘅重要性,
願意比私人經濟更多嘅空間,
呢個係第一步,
咁真正關鍵就在於後續係咪能夠落實啦,
因為好多國家改革失敗,
唔係因為方案唔好呀,
而係執行唔到位。
如果未來嘅法律、金融監管同埋投資環境,
無辦法同步改善嘅話呢,
改革效果可能大打折扣㗎,
所以依家最大嘅未知數唔係改革內容,
而係政府係咪真嘅願意將權力同埋資源
逐步釋放比市場。
無錯呀,改革最難嘅從來都唔係宣佈,
而係落實,
古巴接下來真正要面對嘅考驗,
先至啱啱開始,
古巴正企喺一個歷史性嘅十字路口,
呢次超過176項經濟改革措施,
不單止係對當前嘅經濟危機嘅回應,
更可能決定未來幾十年古巴嘅發展方向。
而最值得關注嘅係,
古巴雖然強調唔放棄社會主義,
但同時亦開始擁抱市場機制,
呢種政治不變、經濟改革嘅模式,
究竟係咪能夠複製中國同越南嘅成功經驗呢?
未來幾年將會逐漸揭曉答案。
古巴嘅改革係咪會成功呢?
會唔會成為下一個越南呢?
歡迎大家喺留言區分享你嘅睇法。
最後同大家分享一個好資訊,
成日睇住呢個螢光幕,
滴眼藥水都只係能夠舒緩幾分鐘。
而家唔少觀眾都係健康520嘅潤眼寶入手呀,
潤眼寶特別加入石合同小米草,
全面滋潤護眼,
舒緩眼睛酸澀,
而家就只需要輸入我哋主播嘅專屬折扣碼109,
就能夠享受9折優惠。
前面提到嘅三高代謝寶,
亦係完全適用呢個9折折扣碼㗎,
慰勞一下自己,
或者做副親節禮物都非常合適,
快啲點下面嘅連結購買啦。
好啦,今日嘅節目呢就到呢度,
感謝觀眾朋友嘅收睇同收聽,
如果你鍾意我哋嘅節目,
記得撳開旁邊嘅鐘仔,
點贊、訂閱同埋轉發,
俾更多朋友睇到我哋嘅節目,
我哋下次節目時間再見啦,
拜拜!
多謝大家!
我哋下次節目時間再見!
