
妳好媽 ~早.午.晚餐生活日常
39粉絲
3 次觀看·2026年3月24日
AI 生成·可能包含錯誤
Hello Hello 話咁快 又到今個星期啦
好耐都冇同大家分享晚餐啦
大家鍾意睇我嘅原因
就係鍾意睇我夠簡單啦
做乜嘢都係夠簡單嘅
我今晚煮嘅餸
大家睇落去好似好複雜
但係我依然用返我自己嘅方式去完成啦
就係一鑊熟啦
今晚我就嚟個排骨 海參 薯仔
又係一煲角 咁同大家分享啦
大家睇落去海參好似好難整咁
其實都唔難嘅
最主要係你清洗啦
呢個係唔使出水嘅
佢已經寫咗話以清外臟啦
所以我先買
我自己亦都買過呢一隻嘅海參
喺百佳買嘅
新年期間特價啦
就88蚊兩包呀
咁其實海參煮起上嚟係好少嘅
所以我就一次過買兩包啦
咁佢一包入面大約都係有七嚿度啦
咁再加上你煮起上嚟佢會熟㗎嘛
咁我就買咗兩包
如果平時一包都要
好似50至60蚊左右嘅
呢隻海參我食過ok嘅
咁我就今晚呢就一次過炆佢啦
好 咁就再加呢個焗菜心就完成
而家就洗洗切切先
排骨佢好多碎骨嘅
一定要洗到好乾淨啦
而家係洗咗第三次㗎啦
洗乾淨曬
我起碼洗咗五六次呀
因為新鮮嘅排骨呢
佢洗嘅時間真係好耐
所以點解好多時我會直接買醃咗嗰啲呢
放咗鹽啦亦都加咗糖
呢個係糖
油啦
好搞笑呀呢個
嗱屋企有乜嘢調味料嘅
就加落去啦
可以加蒜頭豆豉
我覺得如果炆海參加蠔油落去
炆會好食好多
豉油
我好鍾意加啲鰹魚汁落去
鰹魚汁佢嘅味道唔會好濃
因為蠔油嘅味道已經濃啦
如果又再加啲濃味嘅醬油呢
咁就會冇咗排骨本身嘅肉味
所以加番鰹魚汁落去
平衡番個味道
倒落呢個鑊嗰度
攪勻佢
一陣間都用呢個鑊煮㗎啦
所以我就直接放喺呢度
醃個排骨先啦
第一時間一定要醃咗個排骨先
等佢入味
排骨醃好咗啦咁就唔使理佢嘅
而家就處理薯仔同埋海參先
海參呢我就洗乾淨
嗱俾大家睇下
嗱佢已經呢清好哂冇內臟嘅
所以我就鍾意呢一方面啦
我都試過買咗一啲海參呀
真係要清潔好耐呀
咁唯一呢就係你洗乾淨佢啦
有陣時可能佢有啲沙嘅
但係呢一隻冇
佢食落去係腍身囉呢一個
佢唔係話爽口嘅
但係我見好大隻
我呢度係兩巴嘅份量
嗱所以我就而家將佢一開二
唔好切到佢咁細
因為佢煮嗰時呢佢仲會熟㗎嘛
所以呢大約咁上下到啦
即係襯返個排骨嗰個size囉
將佢每一個一開二咁樣
咁食落去就會有口感啦
嗱譬如有啲呢啲細嘅咁我就唔切啦
嗱呢一個
最後就係薯仔
薯仔呢唔好切咁細嚿
因為你要同啲排骨同埋海參
睇落去嗰個size一樣咁就好啦
咁呢一個
有時咁樣又唔知切兩嚿好呀
定係切三嚿嘅
咁我通常係咁樣囉
嗱屋企有咩嘅就攞出嚟煮埋佢
其實薯仔份量唔夠
因為煮埋佢囉
咁我而家呢就將啲海參放落去
咁將佢呢撈勻佢啦同排骨
因為我想啲海參呢就索埋
醃咗排骨嘅味道落去
咁撈勻佢先
佢呢個海參幾好喎佢唔腥嘅
有陣時大家咪就係驚急凍海參腥嘅
佢呢隻就係唔腥
咁我而家我就撈勻佢
海參佢都幾索汁嘅
最後薯仔放埋落去
唔使加水落去炆啦
嗱大家睇嚇
本身都已經有啲汁喺度
同埋佢排骨同埋海參
佢會越煮越出水嘅
蓋蓋就等佢炆
用中火咁就炆咗20分鐘
咁我見佢滾起啦
咁就將佢收返細火
由佢炆啦
咁我而家就將佢撈個撈先
即係盡量將啲海參呀
就擺個底度
咁就索下啲味啦
嗱完全唔使加水嘅
因為海參佢本身會出水
同埋啲排骨醃咗嗰個期間
都有啲汁水
而家盡量將薯仔呀海參呀
就放喺多啲汁嗰度啦
等佢入味
其實排骨呢都好快熟嘅
反而係薯仔呀難熟
海參就等佢入味囉
嘩好香
一路炆期間所有嘅味道出曬嚟啦
最香呢就係薯仔呀
本身嗰個香甜嗰個味道
海參呢真係唔好切咁細嚿
我切到呢個size啱啱好
食佢呢就會有口感啦
咁就最後加番啲蔥滑濃點精
可以加冬菇落去炆嘅
哎我又唔記得咗
加冬菇呢就仲加香
成個餸就已經完成啦
真係水都唔使放呀
焗埋嘅菜完成
登登登登
今晚呢仲用呢一個形式同大家分享
好重好熱呀
係咪好方便呀呢一個餸
薯仔排骨海參
其實可以加埋冬菇落去嘅
不過我成日唔記得咗呀
又俾大家一個一鑊熟嘅分享啦
係咪好方便好快捷呀
直接喺呢個鑊嗰度夾嚟食啦
唔再夾落個碟嗰度啦
好今晚呢就分享到呢度
拜拜
好重呀
擺低先
好
拜拜
耶
開飯
