
妳好媽 ~早.午.晚餐生活日常
39粉絲
5 次觀看·2026年1月30日
大家好, 又到今個星期同大家分享晚餐嘅時候
今晚就係煲個豬手湯
同大家點樣可以收咗工返嚟都可以煮到一個豬手湯
買咗豬手返嚟就出定水啦
咁用個密實袋就入住佢
無論豬骨瘦肉排骨
如果你嗰日唔使返工
盡量呢一日就好搞掂曬所有嘅出水嘅嘢啦
咁當你收咗工返嚟啦
咁你就攞出嚟就即刻可以煮到啦
咁我就唔炆嘅
因為炆都要時間
我就直接去煲
咁就粟米啦
紅蘿蔔
合掌瓜
屋企有啲乜嘢瓜類可以煲湯嘅都放埋落去
一次過煲
我呢加咗啲螺片同埋蜜棗
有螺片嘅就加啦
無嘅都唔緊要嘅
放曬落去
由佢煲啦
煲淋佢為止
用中火煲
再切埋紅蘿蔔粟米合掌瓜
豬手煲咗半個鐘
雖然出咗水呀
但係煲出嚟呢都仍然係都幾油下嘅
所以就一定要加啲
粟米紅蘿蔔呀
瓜呀你可以加啲菜乾呀
冬瓜節瓜
總之要加啲蔬菜落去煲
咁呢煲出嚟嗰個湯呢先會冇咁油膩嘅
等佢繼續煲啦
煲多半個鐘頭
煲緊期間咁就可以去收下衫呀
或者沖下涼咁你搞掂呢啲咁成煲湯就完成㗎啦
哇煲咗一個鐘頭
咁十分鐘前我畀咗鹽落去嘅
嗱咁就完成啦
睇落去顏色好靚紅蘿蔔粟米合掌瓜
仲有豬手
咁我有時我都分唔清究竟係豬手定豬腳嘅
總之都係差唔多㗎啦
咁呀都係一個好均衡嘅湯水啦
咁又唔使搞咁多嘢啦
一個湯再加碗白飯
咁今晚呢就係咁簡單啦
又畀大家一個晚餐嘅參考啦
好今晚就分享到呢度
拜拜
