
漂流傳奇 #粵語
104粉絲
120 次觀看·2025年8月29日
多數人認識黎智英是因為《蘋果日報》。他的人生,其實比想像中更戲劇化。6歲在廣州街頭搵食,12歲為一塊朱古力冒險偷渡,憑一雙手建立佐丹奴,再到創辦《壹傳媒》。由傳媒大亨,到牢獄中的囚徒,這段故事,究竟是「傳奇最終章」?還是「未完待續」?今集《漂流傳奇》,帶你走進黎智英的高峰亦低谷的一生。
00:00黎智英 童工 傳媒大亨 囚徒
00:56烤田鼠VS朱古力
03:14驚險偷渡終到香港
04:56苦力童工 自學英文
06:13白手興家追尋創業夢
08:01政治覺醒創辦媒體
11:27為何今次不離開?
發表時間:2025年8月29日
撰稿:林一山
大家好 歡迎收看漂流傳奇
香港曾經有個億萬富翁 為咗一個信念身陷囹圄
今集嘅主角就係壹傳媒創辦人黎智英
佢嘅國安法案件最近進入咗結案陳詞階段
再次引起國際同社會嘅關注
六十年代從大陸偷渡嚟香港嘅佢
點樣由一個身無分文嘅細路變成時裝品牌老闆呢
做生意做得咁好 點解又要創辦蘋果日報
喺社運路上行得越嚟越前呢
今集我哋會從佢以前嘅訪問同埋黎智英轉壹書道嘗試搵出答案
喺節目繼續之前提醒大家可以按下訂閱同側邊嘅鐘仔
咁就唔會錯過我哋嘅節目㗎啦 多謝
我哋係啲資本家呀
對於新中國嚟講係一個客戶嚟㗎嘛
出身好唔好呀 屋企就好多麻煩
黎智英喺1948年12月出生喺中國廣州
佢同年時正值亂世
爸爸媽媽都經歷過饑荒 畀人瓜分財產 畀人批鬥等等嘅惡夢
黎智英嘅爸爸黎善林本身係一個成功嘅商人
喺黎智英三四歲嗰陣 黎善林因為被迫害到頂唔順
決定走佬去香港 臨走之前佢抱起黎智英話
你會做大事嘅
呢句說話成為咗黎智英同年嘅精神支柱
就算面對饑荒同貧窮都仲懷住改變命運嘅希望
從此之後黎智英嘅媽媽梁少霞 畀人定性為逃亡商人嘅老婆
定期被送去勞改營
佢被迫跪喺玻璃碎上面 畀人扣上反派嘅帽子要鞠躬道歉
呢個家庭背景迫使黎智英好早就要喺街頭搵食
六歲嗰陣 佢開始喺廣州街頭執啲半截嘅煙頭
攞啲煙絲出嚟重新捲成煙枝再賣
亦有喺廣州火車站做搬運工
1960年 12歲嘅黎智英幫一位乘客搬行李
得到一塊吉伯尼朱古力
佢一咬落口覺得非常震驚就問喺邊度買
對方回答香港
黎智英就話咁香港一定係天堂嚟嘅
因為我從來未食過咁嘅嘢
而家聽落會覺得佢講得好誇張
但係原來嗰年大躍進引發饑荒
好多人要食樹皮甜肚
黎智英曾經回憶話
嗰陣時烤甜薯都係難得嘅美食嚟嘅
所以嗰塊朱古力就成為佢萌生偷渡嘅種子
激發佢對自由世界嘅憧憬
黎智英用咗一年時間說服佢媽媽
勉強批准佢偷渡去香港
黎智英媽媽嘅擔心都好合理嘅
咁細個嘅小朋友點樣喺香港生活呢
1961年中國大陸唔畀人民自由離境
港英政府都唔歡迎中國人隨便嚟香港
咁究竟黎智英係點樣偷渡去香港呢
原來好似拍戲咁驚險
黎智英同一個官員做交易
換到去澳門嘅許可證
長途跋涉去到珠海拱口岸
順利入到澳門
之後黎智英利用澳門人脈
搭上咗一條漁船
船長將佢哋收埋喺船底
但係勁逼又焗
風浪大嘅時候啲人周圍嘔
船長就畀佢哋上一陣甲板透下氣
但係為咗避開英軍巡邏
又要好快咁返入船底
最後黎智英同其他人
喺新界一個偏僻嘅海灘成功登陸
黎智英偷渡嚟到香港之後
打算投靠住喺九龍嘅姨媽
點知佢發現姨媽一家住喺鐵皮屋
生活環境仲差過大陸
因為佢哋實在冇位畀黎智英瞓
所以要幫佢搵個地方過夜
姨媽帶咗黎智英去
深水埗福榮街嘅即期手物廠
廠長請佢做打雜
黎智英喺香港嘅第一晚
就瞓喺工廠嘅包裝枱上面
第二朝黎智英喺街頭大排檔
食到白粥腸粉油炸鬼
驚嘆食物就係自由
因為佢可以自由揀食乜嘢
嗰一刻佢感受到香港同大陸嘅根本分別
雖然佢好窮但係充滿機會
跟住就會講下佢幾時變身做Jimmy Lai
黎智英喺即期手物廠做童工
包食包住
每個月淨係賺得八蚊港紙
工作環境又差
佢每日要長時間操作機器
正因為咁佢失去咗一隻手指尖
而噪音就令佢聽力受損
做童工難免會俾人剝削
長做落去都冇乜前途
好彩黎智英喺工廠裏面識到一位姓譚
做會計嘅先生
佢對黎智英講咗以下呢番說話
曾經做過老師嘅譚先生好好人
平日收工之後仲會教黎智英英文
黎智英慢慢明白到
學英文係向上流動嘅關鍵
佢又留意到所有成功嘅人都講英文
於是佢自學英語
改咗個英文名叫Jimmy
佢每日睇字典、報紙
仲聽美國之音廣播提升聽力
下一節就講到佢嘅創業故事
原來Uniqlo柳井正都係同佢取經
黎智英一直住喺工廠
時間過得好快
未夠廿一歲佢已經升咗做生產經理
管理一間有三百多名員工嘅毛衣廠
隨住接觸嘅商界人士越嚟越多
黎智英就開始玩股票
雖然成功賺到錢
但係佢覺得炒股太過刺激
亦學唔到咩新知識
所以佢決定放棄返返去服裝界
1975年佢同舊同事梁鉅榮
一齊創辦咗宮明織造廠
去到1981年黎智英再創辦佐丹奴
不過喺佐丹奴創業嘅頭五年
黎智英認為係一場失敗
因為款式太多太複雜
管理又麻煩
好多貨都堆積如山無人買
咁點樣解決呢個問題呢
黎智英有一次帶住三個細路去麥當勞
靈機一觸就諗
將四百款嘅嘢減到五十款以內
但係將啲顏色由四種加到三四十種
咁樣增加唔同色調
可以俾消費者感覺上有好多選擇
為咗避免啲賣唔出嘅顏色積壓貨倉
所有貨品都係先整成白色
跟住先按照訂單去染色
咦?係咪同而家嘅U記有啲似呢?
無錯啦
佐丹奴開創咗Fast Fashion嘅先河
連日本Uniqlo嘅創辦人柳井正
都專登嚟偷師
仲提出想一齊合夥做生意
但係俾黎智英拒絕咗
如果當年黎智英同柳井正合作
之後嘅人生發展路向
會唔會係另一個故事呢?
睇到呢度你可能會問
一個已經過咗幸福生活嘅商人
點解又走去參與社運呢?
佢曾經係咁講
但係即係譬如我做傳媒
我係唔係去抗衛自由嘅
喂!我自己玩自己呀
我有自由嘅環境我先有生意做嘅
我唔會抗衛佢自由
咁我無可能㗎
時間嚟到1989年
北京天安門廣場上面嘅學生
感動咗黎智英
佐丹奴賣出咗兩萬三千多件元領衫
為民主運動籌得十二萬兩千美元
入面有一款佐丹奴元領衫
印住大大個感嘆號
下面寫住你好
下方嘅細字就直指北京中南海嘅領導老人
黎智英仲從自己嘅荷包
拎出咗六萬四千美元捐畀支聯會
除咗捐錢之外
佢又送出咗好多帳篷
黎智英見到喺八九運動期間
創立咗九年嘅CNN
從天安門廣場直播到全世界
比觀眾第一次即時睇到事件發展
啟發佢想利用科技
為香港同中國嘅自由發聲
用大眾媒體去傳播民主同自由市場嘅理念
一九九零年
佢創辦一週刊
呢一份雜誌融合咗八卦同商業新聞
用fast fashion嘅方式提供新聞
滿足讀者需求
黎智英唔單止係一週刊老闆
佢仲由創刊號開始
就每個星期都寫專欄
喺之後嘅三十年
佢總共寫咗大概一千六百篇文章
內容包羅萬有
由政治議題到創業故事
從年回憶甚至乎美食都有
一九九四年七月
黎智英喺專欄文章入面鬧李鵬係國恥
話佢係黃八蛋
仲批評中共好野蠻同埋腐敗
正式激嬲咗中共
跟住中共啲黨報開始評擊黎智英
又去搞左丹奴喺北京嘅分店
無端端cut咗佢嘅電
又調查所謂嘅執照問題
最後逼到間鋪要關門
黎智英冇因為壓力而低頭
反而喺一九九四年八月
辭咗左丹奴董事長個位
一九九六年
佢仲以一億八千五百萬美元
賣咗自己喺左丹奴嘅百分之二十七股份
作為蘋果日報創刊嘅開支
一九九五年
黎智英投資咗九千萬美元開蘋果日報
用返佢喺左丹奴時期慣用嘅經營方法
包括平價、敏銳嘅市場推廣
大膽嘅版面設計
同埋讀者嘅意見反饋
去滿足讀者要求
好快就變成僅次於東方日報之後嘅第二大報紙
本身嗰個獨立性呀
相信個媒體本身唔會喺任何利益
無論呢個係政治利益
或者係商業利益嘅壓力下面去妥協
但當你冇咗自由
你仲有咩剩呢
當你冇咗法治
你仲有咩保護呢
黎智英將蘋果日報
當成推廣民主自由嘅平臺
佢仲親身參加社運集會同遊行
2020年國安法一實施
佢就被當局以勾結外國勢力嘅罪名拘捕咗
唔畀保釋
所以到而家都仲囚禁緊
蘋果日報亦因為啲資金被凍結
喺2021年被迫停刊
好多人都會問
點解佢唔好似細個咁
去更自由嘅地方呢
早喺1994年9月
黎智英就喺《壹週刊》專欄度發誓
唔會離開香港
佢嘅朋友一次又一次勸佢
趁仲走得就離開香港啦
但係佢都一再拒絕
又強調香港畀咗佢所有嘢
佢唔可以離開
信奉天主教嘅黎智英
仲同陳日君樞機主教講過
如果能夠為信仰死喺監獄裏面
係一件美好的事
佢寧願為自由民主坐監
都唔願意放棄呢一座
畀咗佢一切嘅城市
黎智英為咗信念而犧牲自己
有啲人覺得好敬佩
有啲人又覺得唔值得
你又點睇呢?
如果你都鍾意今集嘅故事
請記得畀個like同share呢條片啦
訂閱漂流傳奇
每個星期都有新片等你
你想我哋製作邊個人物嘅傳記片呢?
歡迎留言話我哋知
多謝
