自編自導自演廣播劇 - 陪着你走
2 次觀看·2024年1月21日
喜歡影片的話,請我飲杯咖啡
http://www.buymeacoffee.com/happyhappy
我們為Andy同Albert可以入到決賽飲杯
如果冇大家支持我哋邊有今日喎
不過最緊要都係有Albert呢個好拍檔
冇咗佢我真係冇信心贏㗎
Andy你都唔差啫
冇咗我你一樣掂㗎
Albert傻啦
我哋係最佳拍檔嚟㗎嘛
如果唔係我哋點會戰無不勝呀
好啦知兩個勁啦
飲杯啦最佳拍檔
好飲杯
認識Albert係五年前嘅事
當時我參加咗一個羽毛球比賽
係初賽之中遇到佢
我哋足足打咗三盤
最後係加時嘅時候我先至贏到佢
不過亦都係呢一次
為我哋帶嚟咗一段友誼
唔知咁係咪叫做識英雄中英雄呢
所謂不打不相識
我同Andy係喺比賽裏頭認識㗎
而佢仲係我嘅對手添
但係估唔到
我同佢竟然成為好朋友
Andy對朋友好有義氣
記得有一次臨學期尾
我啲書全部唔見哂
要賠成幾百蚊
一時之間又籌唔到咁多錢
佢知道之後就即刻借俾我
後來我先至知
原來嗰啲錢係佢所有嘅積蓄
佢份人就係咁傻㗎啦
最近Andy成日同我講
佢同Eliza嘅關係越嚟越差
次次見面都嗌交㗎
站喺朋友嘅立場
我當然係鼓勵佢啦
不過
Eliza頭先打電話俾我
我即刻去琴行搵佢
唔知咩事呢
Eliza你搵得我咁急
究竟咩事呀
我哋一路行一路講呀
你知嘛
我同Albert贏咗準決賽呀
下個月我哋就代表多倫多
去打決賽啦
如果到時贏咗
我送份禮物俾你呀
你想要啲咩呀
Andy
次次同你出親街
都係講打波
你打波得㗎啦
唔使理我㗎啦
Eliza我贏咗波喎
你咁都唔開心
係咪呀
你講羽毛球
唔通係你眼中
打波仲重要過一切
當然唔係啦
你幾時都係最重要㗎
Andy
咁多年嚟
我發覺你關心打波
仲多過我
我覺得我哋
越嚟越唔夾啦
你明唔明白呀
我明
但係
由你識我嘅第一日開始
你都應該知道
羽毛球對於我嚟講
係好重要㗎啦已經
而我嘅理想
就係要做一個
世界第一嘅羽毛球手
你唔係話
會支持我㗎咩
係
但係你明唔明白呀
我而家真係
唔能夠再忍受啦
喺你心目中
我竟然連一個羽毛球
都比唔上
Andy
我知道你已經
好盡力咁關心我
但係我真係覺得
你唔好喊啦
算我錯啦
你冇錯
錯嘅只係我
或者
我哋暫時分開嚇
唔好見面住
等大家冷靜嚇啦
Eliza我
唔好逼我啦 Andy
好啦
或者
我哋都應該
需要一啲時間
冷靜一下嘅
多謝你
我自己返屋企得啦
Bye Bye
自從Eliza同Andy
暫停見面之後
Andy成個人
冇曬心機
有時仲唔練波添
識佢咁耐
從來都未見過佢
咁消極㗎
喂
諗緊乜嘢呀
你知我諗緊佢㗎
我夠知囉
但係你成個禮拜
都係咁
究竟你有乜嘢諗唔通呀
Albert
假如你係我
要喺Eliza
同埋羽毛球之間
揀一個
你會揀邊樣呀
你唔好諗得咁複雜啦
其實Eliza
只係怪你唔陪佢啫
你抽多啲時間
陪佢咪得囉
我真係好鍾意佢㗎
但係
成為職業羽毛球手
係我自細嘅心願嚟㗎啦
真係好煩
唔好咁啦
如果我女朋友咁問我
我第一時間飛咗佢
係先至好講呀你
今日Eliza突然約我出嚟
唔知咩事呢
Hi Eliza
嚟咗好耐呀
唔係啱到啫
Albert
唔該你幫我將呢啲嘢
還返畀Andy啦
我決定同佢分手啦
嚇
Eliza
你考慮清楚未呀
事情唔至於咁壞啫
Albert
你應該瞭解
我同佢之間嘅問題㗎
我知我係好自私
但係
我真係唔能夠再忍受啦
我男朋友心入面
只係有打波
Andy都知自己唔啱㗎啦
佢會改㗎
冇用㗎
我唔想逼佢呀
唔該你話俾佢知
我短期內都唔想見佢
唉
咁好啦
不過
我希望你會改變主意呀
多謝你呀
你不愧為係Andy最好嘅朋友
係呀
你識唔識跳舞㗎
識
做咩呀
星期日晚
我有個Party
我而家仲爭個Partner
你有冇時間陪我呀
我
有
自從嗰次係餐廳同Eliza見過面之後
我諗返好多嘢
其實有樣嘢我一直都放係心裏頭
冇同任何人講
就係我都係好鍾意Eliza
Andy係我嘅好朋友
我一直都唔敢有任何嘅表示
但係當我知道Eliza要同Andy分手
我突然之間有一種衝動想追佢
咁樣
會唔會對唔住Andy啦
喂
Albert 做咩呀
心不在焉咁
就快比賽啦
你係咪有病呀
唔係呀
Andy呀
如果我做咗啲對你唔住嘅事
你會點呀
你咁死黨
我信得過你嘅
講啦有咩事呀
其實Eliza有啲說話想我轉達比你聽
我驚你接受唔到
拖咗幾日啦
佢係咪想同我分手呀
Andy
其實佢都好傷心
大家都唔想呀
唔使講啦
我唔會怪佢嘅
要怪即係怪我自己啦
咁你打唔打算搵佢呀
算啦
分手就分手
我走先啦
Andy
唔好諗咁多呀
Albert
估唔到你跳舞跳得咁叻㗎喎
點睇呀
如果冇你呢個Partner
點會跳得咁好呀
你真係識講嘢㗎啦
如果Andy有你一半就好啦
Sorry呀
我冇心提起佢㗎
傻啦
唔使講對唔住喎
我成日諗
如果Andy好似你咁識氹人就好啦
同埋又有幽默感喎
Eliza
你仲記唔記得我哋點識㗎
記得
五年前吖嘛
我去睇Andy比賽
第一次見到你
嗰陣時你哋集中精神咁比賽
完全都睇唔到我嘅
係啦
其實我有個問題想問你好耐㗎啦
點解打到最後一球
你突然之間呆咗一呆
又唔還擊喎
多時只要你一反擊
就可以贏到Andy㗎啦
係呀
當時只要我打向Andy左面
就可以贏到佢
但係突然之間
喺嗰時候
我發覺喺嗰一面
有一個人
佢好靚
令我唔知覺咁呆咗
係邊個呀
居然係你降虧一軌
嗰個人
就係你
Albert
你
其實我已經講咗好耐㗎啦
點解唔講呀
因為
因為Andy
我知道你哋係好朋友
但係你又知唔知道
一個女仔最鍾意嘅
就係男仔同佢講真嘅說話
真嘅
萬一嗰個女仔嬲呢
點會嬲啫
Eliza
其實我真係好鍾意你
Albert
Andy
你聽我解釋啦
我唔聽
點解你要呃我
點解
我冇心㗎Andy
Andy你唔好走啦
Andy
本來
我都想去Eliza屋企同佢講清楚
我哋以後仲可以做朋友
估唔到
佢同Albert
連Albert都呃我
我以後唔會再見佢哋㗎啦
已經兩日搵唔到Andy啦
或者我真係做錯
我唔應該係呢個時間向Eliza表白
總之
都係我唔好
明日就係決賽
佢仲唔出現
我唯有棄權
如果佢真係唔出現
就算比賽都冇意義啦
Andy仲未嚟
淨返五分鐘就比賽啦
我知佢一定好嬲
算啦
我打算棄權啦
對唔住呀
搞成你哋咁
唔關你事
係我講對唔住就真
咦 Andy
Albert
我諗清楚啦
我唔應該嬲你哋嘅
你唔怪我鍾意Eliza呀
我既然嚟得呢度
你應該知道㗎
Albert
我相信你唔會呃我嘅
如果連你都唔信
我仲可以信邊個喎
Andy
有你呢個朋友
我真係
唔好講咁多啦
我哋比賽啦
你哋咁耐冇一齊練波
得唔得㗎
我哋比賽唔係靠技術嘅
咁靠咩呀
友誼囉
字幕由Amara.org社區提供

