1. 有聲繪本「我爸爸是一棵樹」廣東話故事

故事屋(粵語)Story House
165粉絲
208 次觀看·2023年1月29日
Comments are disabled for this video.
Hello大家好呀
歡迎收睇我哋嘅story house故事屋嘅頻道同大家講故事
我係David哥哥
我係欣姐姐
我係Linda姐姐
今日我同大家講個故事呢係關於爸爸㗎喎
咁呢我哋今日講呢個繪本就叫我爸爸係一棵樹
係由溫柏圈畫畫同埋寫呢個故事㗎
而家呢就等我哋睇下呢個故事講咩㗎啦
爸爸究竟係一棵點嘅樹呢
個故事係俾親愛嘅爸爸㗎
我爸爸呢係一棵好溫柔嘅樹
每一次呢我同佢傾計嘅時候佢都唔出聲㗎喎
但係呢我知道佢心入面其實好明白我幾時開心同唔開心嘅
我爸爸係一棵堅強嘅樹就算風吹雨打
佢都總為我遮風擋雨
喺森林入面為我堅守住
被溫暖我
我爸爸係一棵寬容嘅樹呀因為呢每次當我亂跑亂撞好壞嘅時候
爸爸淨係企喺我面前唔出聲
但係佢都唔會鬧我㗎
我爸爸呢有時呢就會係一個四季樹
所以呢都有落葉嘅時候㗎喎
每次佢落葉嘅時候就代表佢唔開心喇
不過呢唔緊要
喺呢個時候呢我就會攬住爸爸
喺爸爸身邊細細聲咁同佢講
唔緊要㗎冬天好快就會過去
開心嘅時候好快就會返嚟㗎啦
我爸爸係一棵好高好高嘅樹呀
每次呢我都最鍾意就係爬到最高最高嘅地方
然後同爸爸一齊睇夕陽
睇森林同埋睇海呀
然後就將我哋一齊睇到嘅嘢寫喺我嘅日記簿入面
嘩你睇下個日落
好靚呀
呢個就係我哋嘅爸爸啦
今日同大家講嘅故事就到呢度啦唔知大家點睇個故事呢
你哋對爸爸嘅印象又係點
會唔會覺得爸爸係似個遊樂場
似動物園
好似作者咁覺得爸爸係似一棵樹呀
如果係似一棵樹嘅話又會係點嘅樹呢
就嚟祭父親節啦
大家將你同爸爸嘅故事同我哋分享留言畀我哋啦
如果你想聽到更加多更加多嘅故事呢就記住喺youtube
同埋喺facebook嗰度訂閱我哋同埋follow我哋啦
仲有仲有唔好唔記得要share個故仔畀你哋嘅朋友哋聽喎
咁我哋下次再見啦
拜拜
