“羅家英跳落黃河洗唔清”粵語節目《唐人街》第160集

喂,你有冇睇新聞呀? 做大戲嗰個羅家英呢, 因為喺網上寫咗幾句悼念英國女皇嘅致詞, 畀大陸嗰啲小粉紅群起如公司, 嚇到佢即刻向大陸網民公開道歉, 佢使唔使咁痰雞呀? 其實佢講嗰幾句說話好普通㗎咋喎, 佢話女皇登基嘅時候佢就七歲, 喺幾十年嚟呀,女皇係佢嘅長輩, 睇住佢成長,香港喺佢嘅庇護下, 係一塊福地,仲有幾多個長輩呢? 呢啲就羅家英悼念英國女皇嘅致詞嚟嘅, 喺網上睇唔睇到啫, 羅家英成個樣好似畀人鬥地主咁, 一隻手指住個頭,一隻手就掩住個心口, 話佢自己未經過深思熟慮, 所以寫咗呢啲致詞出嚟喎, 唉,我真係睇見佢個樣真係慘囉, 佢做乜驚得咁緊要呢嚇? 點解羅家英做人咁無原則嘅呢? 咁其實講幾句慰問嘅說話, 反而我仲覺得佢好有人情味, 而且仲有中華民族嗰種禮節, 但係後來一睇到佢上網道歉呢, 我就覺得佢真係影真無鬼用, 無曬原則,無曬骨氣。 其實呢個羅家英,佢做大戲㗎嘛, 應該佢都演過好多民族英雄嘅角色㗎啦, 點解佢喺現實生活中好似個傀儡咁嘅呢? 而家香港嘅國安法呀, 分分鐘就將佢送中㗎, 到其時呀,戴高帽啦,打平平啦, 話唔定呀,跪玻璃都有份㗎。 而家香港嘅資深傳媒導演吳志森佢就表示啦, 通過羅家英呢個事件呢, 就反映咗香港呀, 講真嗰句呀, 英國政府喺清朝嘅年代, 接手香港呢條小漁村, 後來發展到變成一個世界繁華嘅都市, 金融中心, 喺世界上係舉足輕重嘅。 當年鄧小平呀, 公開講過, 香港係一隻金蛋, 難能可貴, 為中國打開經濟大門呀, 立下咗無限嘅功勞, 千祈就唔好殺雞取卵。 另外朱鎔基曾經咁樣講過, 佢話九七呀, 我哋從英政府手中接手咗香港, 如果日後香港走向沒落嘅話, 我哋點樣向世人交代。 吳志森呢個導演呢, 做人就真正係有骨氣啦, 佢喺YouTube嘅頻道裏面呀, 公開咁話, 如果一個嘅成長過程呀, 冇咗英國嘅制度, 而係由大陸嚟管治嘅話, 佢嘅命運同投奔大陸嗰啲明星, 有咩兩樣呢? 一,就係向執政黨高呼萬歲, 另外就係堅持自己嘅內心良知, 成為右派, 而家經過自由制度滋養嘅羅家英, 佢出自內心嘅崇敬, 向英女皇表達敬意, 結果呢, 而家就要變相為玻璃, 你話香港嘅藝術界, 係咪真係好可悲呢? 跟住吳志森就評論話, 人人喺個世界有唔表達嘅自由, 亦有表達自己意願嘅自由, 唔應該生活喺一個咁重嘅壓迫底下, 因為佢舉咗一個例, 最近香港嘅電影協會, 就向啲會員發信, 佢話要求抵制金馬獎, 因為金馬獎係臺灣㗎嘛, 咁就同今次羅家英嘅事件, 有乜兩樣呢? 而且嗰種壓力, 已經深入到香港嘅藝術界, 連普通嘅香港人, 都會失去咗呢種表達內心情感嘅自由, 呢個吳志森大導演, 值得佩服呀! 而家有啲知情人就咁講, 而家香港有好多藝人同埋明星, 都撕咗個外國護照, 就話我要做中國人, 其實就好危險嘅, 因為你唔知道講錯邊句說話㗎嘛, 或者做咗啲乜嘢㗎嘛, 一下得罪咗佢大陸嗰方面呢, 佢就攞你出嚟祭旗㗎啦, 好簡單你睇下羅家英, 講幾句悼念英國女王嘅說話啫, 立即就上綱上線, 真係死咗都唔知發生乜嘢事, 另外, 使乜要撕咗個外國護照, 嚟證實自己係中國人啫, 其實無論你去到世界邊個國家都好, 係中國人就係中國人, 就算有細路仔係外國出世都好, 都係中國人, 只不過係講係外國出世嘅中國人咋嘛, 而且有網民咁樣講, 佢話當年香港反送中嘅年代, 有啲香港人呢, 就話你哋啲人出嚟搞事呀, 搞到我無生意做呀乜乜乜, 你哋都未知道個死字點寫, 你睇下羅家英而家幾慘呀, 講多幾句悼念英國女王嘅說話咋嘛, 大陸嗰邊啲小粉紅就好似要開批鬥會咁, 仲有呀, 網民就提醒羅家英, 叫佢千祈就唔好返大陸, 咁呀係呀, 新浪網就出咗篇文章, 佢話從羅家英喺網上嘅視頻呢, 睇落佢好似有啲誠意, 但係唔知係真誠意或假意啦, 或者係為咗求生就即刻轉口, 今次羅家英真係大鑊喎, 認咗錯, 大陸網民都唔放過佢呀, 總言之羅家英今次就做咗新聞人物啦, 有網民又咁講呀, 佢話如果羅家英上表忠心呢, 最好就奉獻一啲錢俾大陸嗰邊喎, 而家羅家英唔係咁容易甩身㗎啦, 因為大陸有啲網民就咁樣發表佢嘅言論, 因為英政府殖民霸佔咗香港長達155年嘅時間, 呢個係中國近代史裏面嘅恥辱, 又係中國人嘅國恥, 你羅家英不但書面走去哀悼英女皇, 仲要向英女皇獻花表達深厚嘅情意, 佢又唔係你阿媽, 使唔使咁悲痛呢? 所以佢嘅道歉, 值得大家去懷疑, 羅家英就應該知道呢段黑暗嘅歷史嘅, 但係佢忘記咗歷史, 就係背叛咗我哋祖國。 喂,照咁樣睇嚟, 羅家英就太過失策啦, 佢唔公開道歉, 反而仲冇事, 就係佢衰在認錯, 咁佢大陸嗰邊小粉紅話, 你自己都話錯囉, 梗係咬住唔放啦, 如果一個唔覺意整條罪畀羅家英, 咁就真係慘囉。 大陸嗰啲輿論好得人驚㗎, 就算係一句說話, 佢哋都有好多唔同嘅解讀㗎。 咁就係呀, 而家大陸嘅網民有一番解說, 佢話羅家英, 喺網上嘅認錯, 話佢講錯話, 但係啲老百姓話佢唔係講錯話, 佢係講心裏話, 係認賊作父嘅話, 將侵略者就當咗自己屋企嘅親人, 令到中國蒙羞, 罪大惡極, 羅家英騙花畀英國女王, 就係擺響中國人面前, 一筆筆血淋淋嘅債呀。 喂,而家大陸嗰啲小粉紅, 好似文化大革命嗰啲紅衛兵喎, 怪唔知得有網民就提醒羅家英, 叫佢千祈唔好返大陸啦。 我啱啱喺網上睇到呀, 有啲小粉紅叫羅家英返去大陸嗰度, 坦白從寬,抗拒從嚴。 哎呀,死囉,如果羅家英聽到, 真係有得震,冇得瞓呀。 其實,羅家英正式係當客啫, 仲有唔知幾多藝人, 都有獻花悼念英國女王啦。 另外有個叫做呂麗萍, 人哋就公開致詞悼念英國女王啦, 咁大陸嗰啲小粉紅, 又要佢認錯喎, 哎,人哋呢個呂麗萍, 彩你都嘥機屎呀, 自己根本上就冇錯。 所以有香港人就咁講啦, 當年反送中嘅時候, 羅家英反而鬧嗰啲人喺度搞事。 佢話澳門煙花美麗, 香港就因為反送中搞到烏煙瘴氣喎。 死啦,佢而家身受其害, 都唔知點收科囉。 唐人街粵語傾文, 羅家英跳落黃河洗唔清, 請點贊同埋訂閱, 多謝大家嘅支持。