第一課、海墘的風景

jen的金手學園
jen的金手學園
295粉絲
158 次觀看·2024年4月27日

第一課、海墘的風景
咱的地球規四界攏是海，毋過，我上愛的海佇金門。金門的海
墘，毋但有通看、有通掠，猶閣有通食，這種好康的代誌，袂當干
焦我知影！逐年十月中，天氣寢1轉寒的時陣，一陣一陣的鸕鶿2就
會對地球北爿飛來金門覕冬3；佇咧十二月前後徙來的上濟，差不多
有規千隻。根據記錄，只幾年的寒人攏有成萬隻的鸕鶿停佇慈湖，
是全世界上大的鸕鶿覕冬地之一。

日欲暗的時陣，天頂若親像4一匹5染色的布，有紅色、黃色、閣
有紫色，一重一重疊起來，金光閃爍；趕欲落山的日頭嘛若一粒紅記
記的火球。一陣一陣揣食倒轉來的鸕鶿佇天頂颺颺飛6，遠遠看起來親
像一尾烏龍佇許天邊舞弄青影。莫怪定定有人帶千里鏡佮翕相機7來
遮看鳥賞風景。
金門的海沙白蔥蔥閣幼麵麵，褪赤跤8踏佇面頂就若大自然上溫
柔的跤底掠龍，規个人攏快活起來，憂愁的代誌也㧒對尻脊骿9去。
白色的海沙下底，猶閣有一粒一粒的沙楔10，熱人下晡時，不時有
人來來去去咧搤11沙楔，毋管是用手搤抑是用爪仔12耙13，逐个人的
桶仔凊彩都貯甲滇滿滿。倒到厝就共沙楔浸海水吐沙，隔暝撈14起
來洗清氣了後，毋管是炒角瓜，抑是炒麵煮湯的時落二粒仔，氣味
甘甜人人愛。

金門海墘毋但景色媠，資源濟，閣有渡鳥15逐年飛來鬥鬧熱，好
看閣好𨑨迌。怎樣，有想欲來金門看覓無？欲來著趕緊，若延16到渡
鳥轉北，著閣等隔年喔！

Comments are disabled for this video.