每日港聞-2026-06-05|六四銅鑼灣7人被警帶走 離散港人台北促釋放鄒幸彤李卓人|兩元乘車「每月限搭240程」方案正式撤回|芒種創142年最高溫紀錄|泰警解救21歲港女學生揭「虛擬綁架」| #紀時 #Timeloghk

漂流傳奇 #粵語
104粉絲
各位觀眾,大家好。今日係6月5號星期五,歡迎收睇全新節目《紀時每日新聞報道》。
我哋會逢星期一至五每晚7點為大家報道,每日城中最新嘅新聞熱話。
今日嘅新聞包括
@尋日係六四 37周年,維園變咗家鄉市集,警方喺銅鑼灣一帶嚴密布防。有七個人因為手勢或行為被帶走;同時,台北都有港人集會,延續呢份歷史記憶。
@勞福局宣佈撤回下年推行嘅「兩蚊車」限240程方案。因為每個月其實只有450人搭超過240程,但改系統需要洗3千萬,成本效益極低。
#每日港聞 #紀時 #Timeloghk
發佈日期:2026年6月5日
責任編輯:MY
-----------------------------------
《紀時》TimeLog HK |留下時間的紀錄
訂閱頻道:https://www.youtube.com/@紀時TimeLogHK?sub_confirmation=1
AI 生成·可能包含錯誤
視頻概述
AI 生成本新聞摘要涵蓋六四三十七週年香港及台北的悼念情況、勞福局撤回「兩蚊車」限程方案、中大修例諮詢、曼谷虛擬綁架騙案、香港破紀錄高溫天氣以及港股下跌表現。
各位觀眾大家好
今日係6月5號星期五
今日嘅重點新聞有
尋日係六四三十七週年
維園變咗家鄉市集
警方喺銅鑼灣一帶嚴密佈防
有七個人因為手勢或行為被帶走
同時臺北都有港人集會
延續呢份歷史記憶
勞福局宣佈撤回下年推行嘅兩蚊車
限240呎方案
因為每個月其實只有450人
搭超過240程
但改系統需要洗三千萬
成本效益極低
尋日係六四三十七週年
亦係維園第七年冇咗支聯會搞嘅燭光集會
以前嘅維園
而家已經連續第四年變咗做家鄉市集嘉年華
喺銅鑼灣
由尋日中午開始
裝甲車已經停泊喺時代廣場同崇光百貨出面
警方仲喺馬路口設置咗攔車器
去到晚上11點半
總共有五男兩女
年齡由17到79歲
因為涉嫌作出擾亂秩序行為被帶走調查
前社民連主席陳寶瑩拎住一支黃色紫花
警員話支花有機會引起公眾混亂
最後佢喺警告下收起紫花
但依然被帶上警車
另外尋日下午
雷玉蓮現身喺銅鑼灣紀利佐治街
佢當時穿著一件寫有
南無阿彌陀佛字樣嘅灰色上衣
而佢嘅尾指亦都特別捆上咗黑絲帶
佢全程雙手合十
一邊行向維園方向
一邊低聲念頌大悲咒經文
喺佢步行期間
有便衣警員上前詢問佢嘅目的
雷玉蓮當時回應話
唔好嘈住誦經先
誦經好重要
隨後
警方喺現場拉起橙帶將佢同路人隔開
並提醒佢唔好停留
以免妨礙行人
但當時並未有阻止佢繼續前行
雷玉蓮沿著維園旁邊嘅通道來回走動
並多次鞠躬
當佢行到近東角度嘅位置時
更加連續鞠躬37次
期間情緒激動落淚
佢事後向記者解釋
念經係希望可以超渡死難者
而呢37拜
係像子悼念37年前嘅事
又形容
每一個人都唔會忘記
另外
雷玉蓮亦都透露
其實喺六四之前
佢已經獲得提醒
佢唔可以進入維園入面嘅市集範圍
佢感嘆話
舊年六四
佢一去到銅鑼灣就已經被帶上警車
所以佢原本冇諗過今年可以入維園
最終佢喺現場持續念經
近一個小時之後自行離去
而喺臺北
雖然現場一直落大雨
但主題係記憶無國界抵抗無邊界嘅晚會
依然如期進行
有香港人專程由香港飛過去參加
佢哋話
因為香港而家已經辦唔到
所以一定要過嚟
等世界睇見到呢件事
轉去同大家跟進反香港中文大學關於修訂中大條例嘅最新消息
中大校方今日分別喺朝早同埋傍晚
喺校園裏面舉行兩場面對面嘅諮詢交流會
對象包括教職員
學生同埋校友
今次係中大繼2023年改組校董會之後
再次提出修例
喺朝早十點半嗰場
大約有30名師生同校友出席
校方派出咗多位高層助陣
包括常務副校長潘偉然
副校長金國慶
大學輔導長高永雄
同埋祕書長王晨偉兵
出席人士主要有幾個大疑問
第一係關於擁有33年歷史嘅校友評議會嘅去向
因為校方計劃未來會用校友顧問委員會嚟取代佢
第二係關於大學名銜嘅使用
校方已修例禁止任何人在未經校董會書面同意下
顯示為大學團體或者使用大學名稱
唔少人都關注具體會點樣執行
其實今次修例仲有幾個重點
包括罷免校長同副校長嘅理由
除咗現有嘅好的因由之外
打算增加行為不檢
提升副校長任命門檻
修改中文教學相關條文
明確規定書院需要向大學校董負責
對於今次交流
常務副校長潘偉然喺會後形容
氣氛係非常之好
仲話大家係傾得好開心
佢話
留意到大家對大學名稱
使用等細節有唔同關注
並承諾呢啲意見
都會喺政策入面得到更清晰嘅處理
下一則新聞
一名21歲喺香港讀緊大學嘅黃姓女學生
早前喺曼谷自導自演咗一場綁架案
令到佢喺香港嘅父母被勒索300萬港元
泰國警方喺星期三召開咗記者會
揭開咗呢種叫
虛擬綁架嘅跨國騙案新招數
騙徒同受害人係零接觸
全程只係靠心理操控
呢個詐騙團夥將個陷阱分開兩步行
第一階段發生喺5月19到20號
騙徒首先冒充執法人員
同呢位女同學講佢涉及一單嚴重刑事案
要求佢配合祕密調查
騙徒利用虛假嘅留學申請作為藉口
又騙受害人向爸爸攞錢
話係要做海外留學資金證明
受害人爸爸當時信以為真
轉咗140萬港元去個女嘅戶口
點知
呢筆錢隨即被騙徒透過洗錢帳戶轉走咗
去到5月31號
騙徒變本加厲
利用受害人驚
連累家人嘅恐懼心理
要求佢獨自飛去曼谷
躲避調查
受害人喺6月1號入住當地酒店之後
騙徒就遠程指示佢
去買繩索
綁帶
刀具
仲有人體彩繪顏料
喺呢種極大嘅心理壓力之下
受害人喺酒店房入面
親手幫自己畫上假傷痕
拍下自己被捆綁
看似畀人打過嘅相片同片發畀騙徒
根據泰國警方公開嘅片段
女受害人一邊喊
入面用普通話求父母打300萬港元贖金過去
騙徒攞到呢啲相之後
就透過微信聯絡受害人爸爸勒索
不過爸爸發現啲相片同片疑點重重
於是決定喺香港報警
香港警方隨即聯絡泰國當局
泰國警方喺調取監控之後
迅速鎖定受害人位置
喺6月2號
警方喺尼曼谷25公里外嘅北欖府
沙漠巴幹府
一間酒店房搵到受害人
當時佢正利用騙徒提供嘅假護照訊息轉移到嗰度
而且警察入屋嗰陣佢仲同緊騙徒通緊視訊電話
警方及時介入
成功截停咗第二筆贖金
目前受害人已經由父母接返香港
但背後嘅詐騙團夥依然在逃
泰國警方正同國際執法機構合作調查
面對不明來電
大家真係要提高警惕
唔好輕信任何索取錢財
或者要求單獨出行嘅恐嚇
跟住要同大家跟進一單關乎全港老友記同殘疾人士嘅新聞
就係政府決定對兩蚊車嘅限制方案轉牌
勞工及福利局局長孫玉鹹今日宣佈
原本打算喺出年4月推行
嗰個每月限搭240程嘅方案
而家決定唔會推行
點解政府會突然改變主意呢
局方話審視咗由舊年5月
到今年4月嘅最新數據
發覺喺全港大約270萬名受惠人士入面
每個月搭超過240程嘅人
平均每個月其實只有大約450人
孫玉鹹話呢個數字喺總受惠人數入面簡直係微不足道
雖然之前有文件提過
有啲極端個案
例如有長者一個月搭成600次車
政府要補貼成4440蚊
但整體嚟講搭得咁頻密嘅人真係極少數
另一個原因係成本效益完全唔化算
局方估計
如果要為咗呢450人去更新系統同做測試
個開支預計要成3000萬港幣
為咗限制咁少人而花幾千萬去改系統
喺財政上係並不化算嘅
所以綜合考慮之後
決定撤回方案
其次係照顧殘疾人士同長者
局方收到唔少殘疾人士反映
佢哋因為要返工返學或者覆診
好多時要畀一般人轉多幾次車先到目的地
240程對佢哋嚟講未必足夠
數據亦都印證咗呢點
喺嗰450個搭車搭得最頻密嘅人入面
有22%係殘疾人士
呢個比例遠高於佢哋喺總受惠人數中嘅佔比
當局亦擔心如果撤咗限制
班老友記會驚過額而淘添心理負擔
成日要check住淨返幾多程
咁就變咗違背咗政策原意
下一則新聞
今日6月5號係24節氣入面嘅芒種
香港天文臺總部下午錄得最高氣溫34.6度
唔單止打破咗2000年嘅舊紀錄
仲成為咗自1884年有紀錄以來最熱嘅芒種
同時亦刷新咗今年入夏嘅最高溫紀錄
喺新界地區就更加誇張
上水同元朗公園一度升到去36.9度
而大龍亦有36.8度
咁點解今日會咁熱呢?
根據天文臺解釋
係受一個位於臺灣附近嘅熱帶低氣壓影響
佢嘅下沉氣流令到廣東沿岸風勢微弱
造成呢種極端酷熱嘅天氣
呢個熱帶低氣壓預計會向東北移動略過日本九州
如果增強做熱帶風暴
意思係雷電天使
不過高溫天氣好快會有所緩解
天文臺預計
有一道廣闊低壓槽
會喺聽日6號到下個禮拜中期
喺華南沿岸至南海北部一帶徘徊
呢個低壓槽會帶嚟大驟雨同狂風雷暴
具體嚟講
聽日星期六會開始有幾陣驟雨
早晚雨勢較多同有雷暴
而由七號開始
預計連續四日
天氣都會好差
當中下星期一
八號
雨勢有時會頗大
隨住雨勢增多
氣溫會明顯下降
下個禮拜三
十號
市區最高氣溫可能得返28度
最低去到25度
係未來九日入面最涼快嘅一日
天文臺提醒大家
雖然聽日會落雨降溫
但今日仲係好熱
大家要做足防暑措施
多補充水分
下個禮拜一
要返工返學
記得留意最新嘅天氣消息
因為雨勢可能會幾大
最後睇埋股市表現
今日港股三大指數呈現低開低走嘅態勢
恆生指數今日最終收市跌咗291點
報24,961點
跌幅係1.15%
再次失守咗25,000點大關
其實喺下晝嗰陣
恆指嘅跌勢一度加劇
曾經跌超過300點
恆生科技指數今日跌得重傷
跌幅去到1.75%
而國企指數就跌咗0.77%
收市報8,436.63點
如果計埋呢個星期
恆指已經係連續跌咗三日
日周累計跌咗220點
亦都係連續第四個星期錄得跌幅
今日市場嘅成交金額增加
去到3428億元
板塊方面
今日晶片同埋大模型股普遍受壓
當中中芯國際成為表現最弱勢嘅藍籌股
連同華虹半導體同ASMPT等等
跌幅大約喺4%至7%之間
跌得更犀利嘅仲有minimax
大跌咗1成6
信冊亦都跌咗1成1
另外
傳統金融股今日亦都向下走
匯控同友邦都跌咗3%
今日嘅幾時每日新聞報道就嚟到呢度
多謝各位收睇
守護真相
永不放棄
我哋嘅堅守需要大家大力支持
更加需要大家訂閱我哋嘅頻道
聽晚再見
